බංගලාදේශ සන්නද්ධ හමුදාවන්ගේ ආරාධනයෙන් 2021 නොවැම්බර් 21 ඉරිදා කොළඹ ෂැංග්‍රිලා හෝටලයේ පැවති 50 වැනි බංගලාදේශ සන්නද්ධ හමුදා දින සැමරුම් උත්සවයේ සම්භාවනීය අමුත්තන් අතර හමුව සඳහා ගුවන් හමුදාධිපති එයාර් මාර්ෂල් සුදර්ශන පතිරණ සහ චාර්මිණි පතිරණ මහත්මිය ද එක්ව සිටියහ.

මෙම අවස්ථාව සඳහා ආරක්ෂක අමාත්‍යාංශයේ ලේකම් ජෙනරාල් කමල් ගුණරත්න (විශ්‍රාමික) වැඩබලන ආරක්ෂක මාණ්ඩලික ප්‍රධානී සහ යුධ හමුදාපති ජෙනරාල් ශවේන්ද්‍ර සිල්වා සහ නාවික හමුදාපති වයිස් අද්මිරාල් නිශාන්ත උළුගේතැන්න යන මහත්වරු ද සහභාගී වූහ.

බංගලාදේශ සන්නද්ධ හමුදා සෑම වසරකම නොවැම්බර් 21 දින ඔවුන්ගේ සන්නද්ධ හමුදා දිනය සමරන අතර මෙම වසරේ 50 වැනි සංවත්සරය සනිටුහන් කළේය. මෙම ඓතිහාසික සන්ධිස්ථානය සනිටුහන් කිරීම සඳහා ශ්‍රී ලංකාවේ බංග්ලාදේශ මහ කොමසාරිස්, අතිගරු Tareq Md Ariful Islam විසින් පිළිගැනීමේ උත්සවය පවත්වන ලදී.