ගෲප් කැප්ටන් පූජන ගුණතිලක මහතාගේ ප්‍රධානත්වයෙන් ගුවන් ගමන් ආරක්‍ෂාව පිළිබඳ විධාන පරීක්ෂක කාර්යාලය විසින් අද (2022 ජූනි 08) ගුවන් හමුදා මූලස්ථානයේදී ගුවන් ගමන් ආරක්ෂණ පෝස්ටර් තරඟාවලිය සහ සම්මාන ප්‍රදානෝත්සවය පවත්වන ලදී. ගුවන් හමුදාධිපති එයාර් මාර්ෂල් සුදර්ශන පතිරණ මහතා ප්‍රධාන ආරාධිත අමුත්තා ලෙස සහභාගී වූ අතර එහිදී තරඟාවලියේ හොඳම ජයග්‍රාහකයින් තිදෙනා වෙත ත්‍යාග සහ සහතික පත් ප්‍රදානය කිරීම සිදු කරන ලදී.

ගුවන් හමුදාවේ සියලුම සේවා පුද්ගලයින් අතර ගුවන් ගමන් ආරක්ෂාව පිළිබඳ දැනුවත්භාවය වැඩි දියුණු කිරීමේ අරමුණින් වාර්ෂික ගුවන් ගමන් සුරක්ෂිතතා පෝස්ටර් තරඟය අඛණ්ඩව 13 වන වරටත් සංවිධානය කරන ලදී.

මේ සදහා පෝස්ටර් 261ක් ලැබුණු අතර විශේෂඥ විනිසුරු මඩුල්ලක් ඒවා අතරින් අවසන් තරගකරුවන් 13ක් තෝරා ගත්තේය. ගුවන් හමුදා මාණ්ඩලික ප්‍රධානී එයාර් වයිස් මාර්ෂල් එම්ඩිඒපී පායෝ මහතා විසින් අවසන් ජයග්‍රාහකයින් 3 දෙනා විනිශ්චය කරන ලදී. පළමුවන දෙවන සහ තෙවන ස්ථාන පිළිවෙලින් සැරයන් තිලක ආර්.ජී.ඒ, බළලත් නිලධාරි ඩී.සී.එම් ගුණවර්ධන සහ කෝප්‍රල් දිසානායක ඩී.එම්.එම්.සී.බී. විසින් දිනාගන්නා ලදි.

මෙම අවස්ථාවට ගෲප් කපිතාන් මධුර ඩයස්, විංග් කමාන්ඩර් වේනු සිල්වා සහ විංග් කමාන්ඩර් නන්දක වික්‍රමසිංහ ඇතුලු පිරිසක් සහභාගී විය.