අන්තර් ඒකක ස්කොෂ් ශූරතාවලිය - 2022 ඊයේ (2022 සැප්තැම්බර් 22) ගුවන් හමුදා රත්මලාන කඳවුරු ස්කොෂ් සංකීර්ණයේදී පැවැත්විණි. ප්‍රධාන ආරාධිත අමුත්තා ලෙස ඉලෙක්ට්‍රොනික හා විදුලි සංදේශ ඉංජිනේරු අධ්‍යක්‍ෂ එයාර් වයිස් මාර්ෂල් අරෝෂ විතාන මහතාගේ ප්‍රධානත්වයෙන් ත්‍යාග ප්‍රදානෝත්සවය එම ස්ථානයේදීම පැවැත්විණි.

කොළඹ ගුවන් හමුදා කඳවුර පරාජය කරමින් 2022 වසර සඳහා ශූරයන් ලෙස ශ්‍රී ලංකා ගුවන් හමුදා රත්මලාන කඳවුරේ තාක්ෂණික සැකසුම් කණ්ඩායම තේරී පත් විය.මෙම සම්මාන ප්‍රදානෝත්සවය සඳහා ගුවන් හමුදා ක්‍රීඩා කවුන්සිලයේ සාමාජිකයින් සහ අනෙකුත් ආරාධිතයින් පිරිසක් සහභාගී විය.

විවෘත තරගාවලිය පිරිමි අවුරුදු 35ට වැඩි, පිරිමි අවුරුදු 45ට වැඩි, පිරිමි විවෘත, පිරිමි නවක සහ කාන්තා විවෘත වශයෙන් අංශ පහක් යටතේ පැවැත්විණි.

 ප්‍රතිඵල වල සාරාංශය

අවුරුදු 35ට වැඩි පිරිමි
ජයග්‍රාහකයා - ගෲප් කැප්ටන් ඩී.ඊ.ගීගනගේ (ශ්‍රී ලංකා ගුවන් හමුදා කඳවුර කොළඹ)
අනුශූරතාව - ගෲප් කැප්ටන් හේවාවිතාරණ (තාක්ෂණික සැකසුම ගුවන් හමුදා රත්මලාන කඳවුර)

 45ට වැඩි පිරිමි
ජයග්‍රාහකයා - ගෲප් කැප්ටන් හේවාවිතාරණ (තාක්ෂණික සැකසුම ගුවන් හමුදා රත්මලාන කඳවුර)
අනුශූරතාව - විංග් කමාන්ඩර් මුණසිංහ (කොළඹ ගුවන් හමුදා කඳවුර)

 පිරිමි විවෘත
ජයග්‍රාහකයා - ප්‍රමුඛ ගුවන් භට ලක්මාල් HMUGRN (ශ්‍රී ලංකා ගුවන් හමුදා සටන් පුහුණු පාසල දියතලාව)
අනුශූරතාව - විංග් කමාන්ඩර් කේ.එස්.කේ.ඩී.ගමගේ (කොළඹ ගුවන් හමුදා කඳවුර)

 පිරිමි නවකයන්
ජයග්‍රාහකයා - ගුවන් හමුදා සැරයන් දසනායක ඩී.එම්.එන්.ඩී (ශ්‍රී ලංකා ගුවන් හමුදා රත්මලාන කඳවුර)
අනුශූරතාව - බලඝණ නායක ද සිල්වා (තාක්ෂණික සැකසුම ගුවන් හමුදා රත්මලාන කඳවුර)

 කාන්තා විවෘත
ජයග්‍රාහකයා - පියාසර නිලධාරි එස්.එම්.එම් ප්‍රනාන්දු (ගුවන් හමුදා කටුනායක කඳවුර)
අනුශූරතාව - ගුවන් යානා කාන්තා විනෝද්ධ්‍යා DDN (තාක්ෂණික සැකසුම ගුවන් හමුදා රත්මලාන කඳවුර)