අන්තර් ඒකක බැඩ්මින්ටන් ශූරතාවලිය 2022 නොවැම්බර් 08 සිට 11 දක්වා සියලුම  ගුවන් හමුදා කඳවුරු නියෝජනය කරමින් ක්‍රීඩක ක්‍රීඩිකාවන්ගේ සහභාගීත්වයෙන් කොළඹ ගුවන් හමුදා සෞඛ්‍ය කළමනාකරණ මධ්‍යස්ථානයේදී පැවැත්විණි.
 
ශ්‍රී ලංකා ගුවන් හමුදා චීන වරාය විද්‍යාපීඨය ශූරතාව දිනාගත් අතර දියතලාව ගුවන් හමුදා සටන් පුහුණු පාසල අනුශූරතාව හිමිකර ගන්නා ලදී.

හිගුරක්ගොඩ ගුවන් හමුදා කඳවුරේ පියාසර නිළධාරී පී.වයි.ටි.එස් සිරිවර්ධන සහ කොළඹ ගුවන් හමුදා කඳවුරේ නියමු නිලධාරිනී අයි.ඒ.එස් සංදේශි පිළිවෙලින් විවෘත පිරිමි සහ කාන්තා කේවල ශූරතාව දිනා ගන්නා ලදී.

ත්‍යාග ප්‍රදානෝත්සවය 2022 නොවැම්බර් 11 වන දින ගුවන් හමුදා සෞඛ්‍ය කළමනාකරණ මධ්‍යස්ථානයේ දී පැවැත්විණි. ප්‍රධාන ආරාධිත අමුත්තා ලෙස ගුවන් හමුදා ඉංජීනේරු අධ්‍යක්‍ෂක එයාර් වයිස් මාර්ෂල් ටී.ඒ.ඩී.ආර් සේනානායක මහතා සහභාගී විය.

මෙම අවස්ථාවට ගුවන් හමුදා බැඩ්මින්ටන් සම්මේලනයේ සභාපති එයාර් කොමඩෝර් එස්ඩබ්ලිව්සීපී බෝධිසීල මහතා ගුවන් හමුදා ක්‍රීඩා කවුන්සිලයේ සාමාජිකයින්, නිලධාරීන් සහ සෙසු නිලයින් සහභාගී වූහ.