ශ්‍රී ලංකා ජල ක්‍රීඩා සංගමය (SLASU) විසින් සංවිධානය කරන ලද 2022- ජාතික ජල පන්දු ශූරතාවලිය 2022 නොවැම්බර් 18 වන දින සිට නොවැම්බර් 20 වන දින දක්වා සුගතදාස ක්‍රීඩාංගණයේ පිහිනුම් තටාක සංකීර්ණයේදී පැවැත්විණි. ශ්‍රී ලංකා ගුවන් හමුදා පිරිමි කණ්ඩායම ජාතික ජල පන්දු ශූරතාවලියේ, ශූරතාවයට හිමි කුසලානය වසර එකොළහකට පසු දිනා ගැනීමට සමත් විය.

ඕල්ඩ් තෝමියන්ස් පිහිනුම් සමාජය (OTSC)සහ ශ්‍රී ලංකා ගුවන් හමුදා පිහිනුම් කණ්ඩායම අතර අවසන් මහා තරගය පැවැත්වුණු අතර එහිදී ශ්‍රී ලංකා ගුවන් හමුදාව විසින් ඕල්ඩ් තෝමියන්ස් කණ්ඩායම ලකුණු 9ට 7ක් ලෙස පරාජය කරන ලදී. තරඟාවලියේ දක්ෂතම ක්‍රීඩකයා ලෙස  ශ්‍රී ලංකා ගුවන් හමුදාවේ නායක ගුවන් භට උදයත්‍ර ආර්.එල්.කේ සම්මානය හිමිකරගත් අතර ශූරතාවලියේ වැඩිම ලකුණු ලාභියා ලෙස කැඩෙට් නිලධාරි ද සිල්වා යු.අයි.ඕ සම්මානය හිමිකරගන්නා ලදී.

මෙම තරඟාවලියේ ත්‍යාග ප්‍රදානෝත්සවය සදහා ජල ක්‍රීඩා සංගමයේ සභාපති නෙත්රු නානායක්කාර මහතා සහ ගුවන් හමුදා ජල ක්‍රීඩා සංචිතයේ සභාපති එයාර් කොමඩෝර් අසේල ජයසේකර මහතා සහභාගී විය.