ශ්‍රී ලංකා ගුවන් හමුදාව සිංහල හා හින්දු අලුත් අවුරුද්ද සමරයි...
10:52am on Wednesday 18th April 2012
උදාවූ සිංහල හින්දු අලුත් අවුරුද්ද සැමරීම, දීප ව්‍යාප්ත ගුවන් හමුදා කඳවුරුහිදී සියළුම නිළධාරීන් ඇතුළුව සිවිල් හා සෙසු නිළයන්ගේ සහභාගීත්වයෙන් උත්සවාකාරයෙන් පවත්වන ලදී. පාරම්පරික ඇදුමින් සැරසී චාරිත්‍ර වාරිත්‍ර වලට අනුකූලව කුඩා මහලු සැමදෙනාම එකා මෙන් එක්ව සියළුම අවුරුදු ක්‍රීඩා හා තරඟ ඉසවු ඉදිරිපත් කිරීම විශේෂත්වයකි.

මෙම උත්සව මාලාවේ ප්‍රධානතම අවුරුදු උත්සවය කොළඹ රයිෆල් ග්‍රීන් ක්‍රීඩා පිටියේදී පසුගියදා (අප්‍රේල් 10) පැවති අතර එය සංවිධානය කරන ලද්දේ ගුවන් හමුදා සේවා වනිතා ඒකකයයි. මෙහි ප්‍රධාන ආරාධිත අමුත්තා ලෙසින් සහභාගී වුයේ ගුවන් හමුදාධිපති එයාර් මාර්ෂල් හර්ෂ අබේවික්‍රම මහතාය.

අවුරුදු ක්‍රීඩා, ජන ක්‍රීඩා ඇතුළු පාරම්පරික අංග බොහෝමයකින් පරිපූර්ණ වූ මෙම අවුරුදු උත්සවයෙහි කාගේත් සිත ඇදී ගියේ අවුරුදු කුමරිය තේරීමේ තරඟය වෙතයි. තියුණු තරඟයකින් අනතුරුව පළවෙනි, දෙවෙනි සහ තුන්වෙනි ස්ථාන සඳහා ත්‍යාග ප්‍රධානය කරන ලද්දේ ගුවන් හමුදාධිපති එයාර් මාර්ෂල් හර්ෂ අබේවික්‍රම මහතාය.

අලංකාර ගිනිකෙළි සංදර්ශනයකින් හා දැවැන්ත සංගීත සංදර්ශනයකින් ද සමන්විත වූ මෙම අවුරුදු උත්සවයේ අවසාන මොහොත වන විටත් ගුවන් හමුදා සේවා පුද්ගලයින්, සිවිල් සේවා පුද්ගලයින් මෙන්ම ඔවුන්ගේ පවුල්වල දූ දරුවන් ඇතුළු සාමාජිකයින් බොහෝ පිරිසක් ඒක්ව සිටිනු දක්නට හැකි විය.




ගුවන් හමුදා විද්‍යාපීට කදවුර චීන වරාය



ගුවන් හමුදා මඩකලපුව කදවුර



ගුවන් හමුදා පලාළි කදවුර



<< click here more >>
airforce_logo
ශ්‍රී ලංකා ගුවන් හමුදාව
ගුවනේ ආරක්‍ෂකයෝ
National Defence College
© 2024 ශ්‍රී ලංකා ගුවන් හමුදා තොරතුරු තාක්ෂණ අධ්‍යක්ෂකය . සියලුම හිමිකම් ඇවිරිණි