தித்வா சூறாவளிக்குப் பிறகு மனிதாபிமான உதவிகளை வழங்குவதற்காக இலங்கைக்கு வந்த இந்திய விமானப்படை (IAF) MI-17 ஹெலிகாப்டர் குழுவினர்கடந்த  2025 டிசம்பர் 14, அன்று நாட்டை விட்டு புறப்பட்டனர். பாதிக்கப்பட்ட பகுதிகளுக்கு நிவாரணப் பொருட்களை கொண்டு செல்வதிலும் விநியோகிப்பதிலும் உதவுவதே அவர்களின் பணியாக இருந்தது.

தொடர்ச்சியான நிவாரணம் மற்றும் மீட்பு முயற்சிகளை ஆதரிப்பதற்காக இலங்கை விமானப்படையின் விமான நடவடிக்கைகளுடன் குழுவினர் நெருக்கமாக ஒருங்கிணைந்தனர்.

வழியானுப்பும் நிகழ்வில் இலங்கை விமானப்படையின் தலைமைத் தளபதி எயார் வைஸ் மார்ஷல் லசித சுமனவீர மற்றும் இலங்கை விமானப்படையை பிரதிநிதித்துவப்படுத்தும் பிற மூத்த விமானப்படை அதிகாரிகள் கலந்து கொண்டனர். இலங்கை விமானப்படை சார்பாக இந்திய விமானப்படை குழுவினர் தொடர்ந்து அளித்த ஆதரவிற்கு அவர்கள் நன்றி தெரிவித்தனர்.

இந்த நிகழ்வில் இலங்கையில் உள்ள இந்திய உயர் ஸ்தானிகராலயத்தைப் பிரதிநிதித்துவப்படுத்தும் பாதுகாப்பு ஆலோசகர் கேப்டன் எம். ஆனந்தும் கலந்து கொண்டார். இந்திய விமானப்படையின் MI-17 ஹெலிகாப்டர் குழுவினர் வழங்கிய ஆதரவு இலங்கை விமானப்படைக்கும் அதன் அண்டை நாட்டிற்கும் இடையிலான ஒத்துழைப்பை வலுப்படுத்தியது மற்றும் தித்வா சூறாவளியால் பாதிக்கப்பட்ட சமூகங்களுக்கு சரியான நேரத்தில் நிவாரண நடவடிக்கைகளுக்கு பங்களித்தது.