நேபாள இராணுவ கட்டளை மற்றும் பணியாளர் கல்லூரியைச் சேர்ந்த 15 பேர் கொண்ட தூதுக்குழு, 2026 ஜனவரி 19 அன்று இலங்கை விமானப்படை தலைமையகத்திற்கு வருகை தந்தது. இத்தூதுக்குழுவிற்கு பிரிகேடியர் ஜெனரல் பூர்ண பகதூர் கத்ரி தலைமை தாங்கினார்.

இந்த வருகையின் போது, ​​தூதுக்குழுவின் தலைவரும் பல உறுப்பினர்களும், விமானப்படை தளபதியின் சார்பாக, விமான நடவடிக்கைகள் பணிப்பாளர் நாயகம், எயார்  வைஸ் மார்ஷல் தம்மிகா டயஸ் அவர்களை சந்தித்தனர். மேலும், இந்நிகழ்வைக் குறிக்கும் வகையில் ஒரு அடையாள நினைவுப் பரிசும் பரிமாறப்பட்டது.

பின்னர், விங் கமாண்டர் ருக்ஷன் கம்லக்ஷ  இலங்கை விமானப்படையின் வரலாறு, போருக்குப் பிந்தைய பங்கு மற்றும் சவால்கள் குறித்து ஒரு விளக்கக்காட்சியை வழங்கினார். பயிற்சி பணிப்பாளர் நாயகம், எயார்  வைஸ் மார்ஷல் துஷாரா வீரரத்ன, பொதுப் பொறியியல் பணிப்பாளர் நாயகம், எயார்  வைஸ் மார்ஷல் இந்திக விக்ரமசிங்க மற்றும் சிரேஷ்ட அதிகாரிகளும் இந்த அமர்வில் பங்கேற்றனர்.