பசிபிக் விமானப்படைகளால் (PACAF) ஆண்டுதோறும் ஏற்பாடு செய்யப்படும் சி-130 மற்றும் போர் விமான தளவாடங்கள் மற்றும் பாதுகாப்பு கருத்தரங்கம் (LASS), 2026 ஏப்ரல் 20 முதல் 22 வரை நடைபெற்றது.  இந்த ஆண்டு நிகழ்வை, இலங்கை விமானப்படை தனது 75வது ஆண்டு விழாவின் ஒரு பகுதியாக, விமானப்படைத் தளபதி எயார் மார்ஷல் பந்து எதிரிசிங்கவின் வழிகாட்டுதலின் கீழ் நடத்தியது. வங்கதேசம், இந்தோனேசியா, மலேசியா, மங்கோலியா, சிங்கப்பூர், இலங்கை, தைவான், தாய்லாந்து மற்றும் அமெரிக்கா ஆகிய ஒன்பது நாடுகளைச் சேர்ந்த விமானப்படை வீரர்கள் மற்றும் துறைசார் வல்லுநர்கள் இக்கருத்தரங்கில் பங்கேற்றனர். சினமன் லைஃப் சிட்டி ஆஃப் ட்ரீம்ஸில் அமர்வுகள் நடத்தப்பட்டன. அங்கு பங்கேற்பாளர்கள் அறிவைப் பகிர்ந்துகொண்டனர், தளவாடங்கள் மற்றும் பாதுகாப்பு நடைமுறைகள் குறித்து விவாதித்தனர், மேலும் சி-130 மற்றும் போர் விமானச் செயல்பாடுகளில் பிராந்திய ஒத்துழைப்பை வலுப்படுத்துவதற்கான வழிகளை ஆராய்ந்தனர்.

திட்டமிடல் பணிப்பாளர் நாயகம் , எயார்  வைஸ் மார்ஷல் தேசப்பிரிய சில்வா மற்றும் பசிபிக் விமானப்படை துணைத் தளபதி, எயார்  வைஸ் மார்ஷல் டேவிட் திதரிட்ஜ் ஆகியோரின் தொடக்கவுரைகளுடன் கருத்தரங்கம் தொடங்கியது. அதனைத் தொடர்ந்து, LASS – 26-இன் முதன்மைத் திட்டமிடுபவரான விங் கமாண்டர் கசுன் குமார, நாடு தழுவிய விரிவான கண்ணோட்டத்தையும் பாதுகாப்பு குறித்த விளக்கத்தையும் வழங்கினார். தொடர்ந்து நடைபெற்ற மூன்று நாட்களில், பங்கேற்பாளர்கள் தளவாடங்கள், பாதுகாப்பு மற்றும் செயல்பாட்டுத் தயார்நிலை ஆகிய முக்கியப் பகுதிகளை உள்ளடக்கிய தொடர்ச்சியான ஆழமான கலந்துரையாடல்களிலும் அறிவுப் பகிர்வு அமர்வுகளிலும் ஈடுபட்டனர். அதன்படி, கருத்தரங்கின் போது விவாதிக்கப்பட்ட முக்கிய கருப்பொருள் பகுதிகள் பின்வருமாறு: பங்கேற்பாளர்களின் பகிரப்பட்ட அனுபவங்களுடன் கூடிய மனிதாபிமான உதவி மற்றும் பேரிடர் நிவாரண (HADR) செயல்பாடுகள்; கூட்டு தளவாடக் கட்டமைப்புகளை முன்னிலைப்படுத்தும் கொள்முதல் மற்றும் குறுக்குச் சேவை ஒப்பந்தங்கள் (ACSA); பசிபிக் விமானப்படை A4 (தளவாடச் செயல்பாடுகள்) தலைமைத்துவக் கண்ணோட்டங்கள் மற்றும் ஒருங்கிணைந்த கொள்முதல் தொழில்நுட்பங்களின் (IPT) நுண்ணறிவுகள். மேலும், C-130 மற்றும் போர் விமானத் துறைகள் இரண்டிலும் பாதுகாப்பு மேலாண்மை நடைமுறைகள் மற்றும் செயல்பாட்டு நிலைத்தன்மை உத்திகள் விவாதிக்கப்பட்டன. இறுதியாக, பங்கேற்ற ஒவ்வொரு நாடும் தமக்கான பிரத்யேக விளக்கங்களை வழங்கின.

அந்த வகையில், இந்தக் கருத்தரங்கம் திறந்த உரையாடலுக்கான ஒரு முக்கிய தளத்தை வழங்கியது. இதன்மூலம், பங்கேற்ற ஒவ்வொரு நாடும் தங்களின் தனித்துவமான செயல்பாட்டு அனுபவங்கள், சவால்கள் மற்றும் சிறந்த நடைமுறைகளை முன்வைக்க முடிந்தது. மேலும், அறிவு மற்றும் நிபுணத்துவப் பரிமாற்றம், பரஸ்பரப் புரிதலைக் கணிசமாக மேம்படுத்தி, தளவாடங்கள் மற்றும் பாதுகாப்பு மேலாண்மையில் கூட்டுத் திறன்களை வலுப்படுத்தியது.

தொழில்முறை ஈடுபாடுகளுக்கு மேலதிகமாக, பங்கேற்ற நாடுகளிடையே உள்ள வலுவான நட்புறவு மற்றும் ஒத்துழைப்புப் பிணைப்புகளைக் குறிக்கும் வகையில் ஒரு கலாச்சார நிகழ்ச்சியுடன், விமானப்படை வான் நடவடிக்கைகளின் பணிப்பாளர் நாயகம், எயார்  வைஸ் மார்ஷல் தம்மிக டயஸ் மற்றும் இலங்கையில் உள்ள அமெரிக்காவின் பாதுகாப்புத் தூதர், லெப்டினன்ட் கர்னல் மேத்யூ ஹவுஸ், LASS – 26-இன் திட்டமிடல் ஒருங்கிணைப்பாளர், கர்னல் அந்தோனி ஜே. முல்லினாக்ஸ் மற்றும் LASS - 26-இன் முதன்மைத் திட்டமிடுபவர் ஆகியோர் கலந்துகொண்டு சிறப்பித்த ஒரு முறையான நிறைவு விழாவும் நடைபெற்றது.

Day 02


Day 03