விமானப்படைத் தளபதி எயார்  மார்ஷல் பந்து எதிரிசிங்க, 2026 ஜூன் 19 அன்று கடற்படைத் தலைமையகத்தில் நடைபெற்ற 14வது பாதுகாப்பு சேவைகள் விளையாட்டுப் போட்டிகளின் தொடக்க மாநாட்டில் கலந்துகொண்டார்.

2026 மற்றும் 2027 ஆம் ஆண்டுகளுக்கான பாதுகாப்பு சேவைகள் விளையாட்டுப் போட்டிகளைத் திட்டமிடுதல் மற்றும் நடத்துதல் குறித்தும் இந்த மாநாட்டில் கவனம் செலுத்தப்பட்டது. இராணுவ விளையாட்டுகளின் தரத்தை மேம்படுத்துதல், சேவைகளுக்கிடையேயான விளையாட்டு உறவுகளை வலுப்படுத்துதல் மற்றும் எதிர்கால பாதுகாப்பு சேவைகள் போட்டிகளை வெற்றிகரமாக நடத்துவதை உறுதி செய்தல் ஆகியவை குறித்தும் விவாதங்கள் நடைபெற்றன.

வரவிருக்கும் உலக இராணுவ விளையாட்டுப் போட்டிகள் மற்றும் பிற சர்வதேச இராணுவ விளையாட்டு நிகழ்வுகளில் இலங்கை இராணுவ விளையாட்டு வீரர்களின் பங்கேற்பு குறித்தும் இக்கூட்டத்தில் விவாதிக்கப்பட்டது. மேலும், செயல்பாட்டு முன்னுரிமைகள், வளங்களின் இருப்பு மற்றும் விளையாட்டு வீரர்களின் பங்கேற்பு ஆகியவற்றின் அடிப்படையில் சில விளையாட்டுப் பிரிவுகளை மறுஆய்வு செய்தல் மற்றும் முறைப்படுத்துதல் உள்ளிட்ட பாதுகாப்பு சேவைகள் விளையாட்டுப் போட்டிகள் தொடர்பான பல கொள்கை விஷயங்களும் விவாதிக்கப்பட்டன.

இந்நிகழ்ச்சியில், விமானப்படை விளையாட்டு மன்றத்தின் செயலாளரான குரூப் கேப்டன் எரந்த  கீகனகே உள்ளிட்ட விமானப்படை அதிகாரிகளும், இலங்கை இராணுவம் மற்றும் இலங்கை கடற்படையைப் பிரதிநிதித்துவப்படுத்தும் சிரேஷ்ட அதிகாரிகள் குழுவும் கலந்துகொண்டனர்.