2026 ஆம் ஆண்டுக்கான விமானப்படை தளங்களுக்கு  இடையேயான ஜூடோ சாம்பியன்ஷிப், 2026 ஜூலை 13 முதல் 15 வரை கட்டுநாயக்க இலங்கை விமானப்படைத் தளத்தில் நடைபெற்றது.  இதில் பல்வேறு இலங்கை விமானப்படை நிறுவனங்களைச் சேர்ந்த 100க்கும் மேற்பட்ட ஆண் மற்றும் பெண் விளையாட்டு வீரர்கள் போட்டியிட்டனர். 

ஆண்களுக்கு எட்டு எடைப் பிரிவுகளிலும், பெண்களுக்கு ஏழு எடைப் பிரிவுகளிலும் நடத்தப்பட்ட விறுவிறுப்பான மற்றும் உற்சாகமான போட்டியின் நிறைவு விழாவாக, இறுதி அமர்வும் பரிசளிப்பு விழாவும் இன்று (15 ஜூலை 2026) நடைபெற்றன. தனிநபர் எடைப் பிரிவுகளுடன், ஆண்கள் மற்றும் பெண்களுக்கான திறந்த எடைப் பிரிவுப் போட்டிகளும், குழுப் போட்டிகளும் நடத்தப்பட்டன.

ஆண்கள் மற்றும் பெண்கள் ஆகிய இரு பிரிவுகளிலும் இலங்கை விமானப்படை நிலையம் ஸ்ரீ ஜெயவர்தனபுர ஒட்டுமொத்த சாம்பியனாக உருவெடுத்தது. அதே சமயம், ஏக்கல இலங்கை விமானப்படை தொழிற்பயிற்சிப் பள்ளி இரு பிரிவுகளிலும் இரண்டாம் இடத்தைப் பிடித்தது.

பரிசளிப்பு நிகழ்வில்  நிர்வாகப் பணிப்பாளர் நாயகம், எயார்  வைஸ் மார்ஷல் துஷார சிறிமன்ன கலந்துகொண்டு சிறப்பித்தார்.  இந்நிகழ்வில், இலங்கை விமானப்படை ஜூடோவின் தலைவர், எயார் கொமடோர் மனோஜ் கலப்பத்தி, ஸ்ரீ ஜெயவர்தனபுர விமானப்படை நிலையத்தின் பிரதி கட்டளை அதிகாரி, குரூப் கேப்டன் எம்.டி.எம்.சி. மனதுங்க, கட்டுநாயக்க விமானப்படை தளத்தின் பிரதி தளத் தளபதி, விளையாட்டுத் துறை இயக்குநரின் பிரதிநிதியாக குரூப் கேப்டன் ஜி.டி.யு.ஐ. விஜேரத்ன, விங் கமாண்டர் எஸ்.டி.டி. தரிண்த , இலங்கை விமானப்படை ஜூடோவின் செயலாளர், விங் கமாண்டர் சுரங்க ஹெட்டியாராச்சி, இலங்கை விமானப்படை விளையாட்டு மன்றத்தின் உறுப்பினர்கள் மற்றும் பிற முக்கிய பிரமுகர்களும் கலந்து கொண்டனர்.