அட்லஸ் ஏஞ்சல் II – 2026 பயிற்சியின் ஒரு பகுதியாக, இலங்கை விமானப்படை  பொழுதுபோக்கு மற்றும் கலைப் பிரிவு, அமெரிக்க விமானப்படை பசிபிக் இசைக்குழுவுடன் இணைந்து, கொழும்பு, ஆர்கேட் சுதந்திர சதுக்கத்தில்  (04 செப்டம்பர் 2026) ஒரு கோலாகலமான பொது இசை நிகழ்ச்சியை நடத்தியது. இந்த நிகழ்ச்சியில் இலங்கை மற்றும் அமெரிக்காவின் பிரபலமான பாடல்கள், நடன நிகழ்ச்சிகள், கூட்டு நிகழ்ச்சிகள் மற்றும் வாரம் முழுவதும் நடத்தப்பட்ட பகிரப்பட்ட அறிவு மற்றும் பயிற்சி அமர்வுகள் மூலம் உருவாக்கப்பட்ட இசை ஆகியவை இடம்பெற்றன.

அட்லஸ் ஏஞ்சல் II பயிற்சி முழுவதும் உருவாக்கப்பட்ட ஒத்துழைப்பு, கலாச்சாரப் பரிமாற்றம் மற்றும் நட்புறவு ஆகியவற்றின் உணர்வை இந்த இசை நிகழ்ச்சி எடுத்துக்காட்டியது.  இது இரு விமானப்படைகளின் இசைக்கலைஞர்களையும் ஒரே மேடையில் ஒன்றிணைத்து, இந்த கூட்டாண்மையை இலங்கை மக்களுடன் பகிர்ந்து கொண்டது.

இக்கச்சேரி பொதுமக்களுக்கு இலவசமாக பார்வையிட முடிந்தது .  இதில் இலங்கை விமானப்படையின் தலைமைத் தளபதி எயார்  வைஸ் மார்ஷல் லசித சுமனவீர, விமானப்படை நிர்வாகச் சபையின் உறுப்பினர்கள், நிகழ்த்து கலைகளின் இயக்குனர் மற்றும் கட்டுநாயக்க இலங்கை விமானப்படை தளத்தின் கட்டளை அதிகாரி  ஆகியோர் கலந்துகொண்டு சிறப்பித்தனர்.

இலங்கையில் உள்ள அமெரிக்கத் தூதரகத்தின் சிரேஷ்ட அதிகாரிகள் மற்றும் பணியாளர்கள், சுற்றுலாப் பயணிகள், ஆயுதப்படை இசைக்குழுக்களின் உறுப்பினர்கள் மற்றும் பள்ளி மாணவர்கள், இசை ஆர்வலர்கள் உள்ளிட்ட பெருந்திரளான பொதுமக்கள் இக்கச்சேரியைக் காண வருகை தந்திருந்தனர். இதனால் நிகழ்ச்சி முழுவதும் ஒரு உற்சாகமான சூழல் நிலவியது.