இலங்கை விமானப்படையின் மொரவேவாதளத்தில்  உள்ள ரெஜிமென்டல் சிறப்புப் படை பயிற்சிப் பள்ளி (ஆர் எஸ் எப் டீ எஸ் ) 29 பணியாளர்களின் பங்கேற்புடன் இல .11 ஹெலிபோர்ன் செயல்பாட்டு பாடநெறியை வெற்றிகரமாக நடத்தியது.   அவர்களில் பங்களாதேஷ் விமானப்படை மற்றும் இராணுவத்தைச் சேர்ந்த இரண்டு அதிகாரிகள், இலங்கை கடற்படையைச் சேர்ந்த ஒரு அதிகாரி மற்றும் சிறப்புப் பணிக்குழு (எஸ் டீ எப் ) அதிகாரி ஆகியோர் அடங்குவர். மீதமுள்ள பங்கேற்பாளர்கள் இலங்கை இராணுவம், இலங்கை கடற்படை, காவல்துறை சிறப்புப் பணிக்குழு மற்றும் விமானப்படை ரெஜிமென்டல் சிறப்புப் படைகளைப் பிரதிநிதித்துவப்படுத்தினர்.

பாடநெறியின் போது, ​​பங்கேற்பாளர்கள் ஹெலிபோர்ன் செயல்பாட்டு திட்டமிடல், வன  வழிசெலுத்தல் மற்றும் ஹெலிகாப்டர் அவசர நடைமுறைகள் உள்ளிட்ட ஹெலிகாப்டர் பாதுகாப்பு மற்றும் விமான நடவடிக்கைகளில் விரிவான பயிற்சியைப் பெற்றனர்.  நடைமுறை பயிற்சிகள் மூலம், செயல்பாட்டு சோதனை மற்றும் தகவல் தொடர்புக்கான நடைமுறைகளைத் தயாரித்தல், CASEVAC செயல்பாடுகள் மற்றும் வரையறுக்கப்பட்ட அல்லது ஆயத்தமில்லாத பகுதிகளில் தரையிறங்குதல் ஆகியவற்றில் அவர்களுக்கு பயிற்சி அளிக்கப்பட்டது.

கூடுதலாக, தேடல் மற்றும் மீட்பு, பாதகமான வானிலை மற்றும் மாறிவரும் செயல்பாட்டு நிலைமைகள் உள்ளிட்ட சவாலான சூழல்களுக்கு ஏற்ப பங்கேற்பாளர்களை இந்தப் பாடநெறி மேலும் தயார்படுத்தியது.

இந்தப் பயிற்சித் திட்டம், ரெஜிமென்டல் சிறப்புப் படைகளின் கட்டளை அதிகாரி விங் கமாண்டர் ஆர். பஸ்டியன் மேற்பார்வையின் கீழ், தரைப்படை நடவடிக்கைகளுக்கான பணிப்பளார் நாயகம்  எயார்  வைஸ் மார்ஷல் எச்.டபிள்யூ.ஆர். சந்திமா மற்றும் பயிற்சிக்கான பணிப்பளார் நாயகம் எயார்  வைஸ் மார்ஷல் என்.எச்.டி.என். டயஸ் ஆகியோரின் நேரடி மேற்பார்வை மற்றும் வழிகாட்டுதலின் கீழ் நடத்தப்பட்டது.