விமானப்படை விமானிகளின் சட்ட அறிவு மற்றும் ஒழுங்குமுறை விழிப்புணர்வை மேம்படுத்தும் நோக்கில், தற்போது விநியோக இயக்குநரகத்தில் பணியாற்றும் விநியோக மற்றும் சேவைகள் இயக்குநர் குரூப் கேப்டன் கபில டி சில்வா, விமானச் சட்டம் மற்றும் தொடர்புடைய பாடங்கள் குறித்து தொடர் விரிவுரைகளை நடத்தினார்.  விமானக் குழுவினரிடையே சர்வதேச விமானச் சட்டத்தின் புரிதலை வலுப்படுத்துவதும், அதன் மூலம் உலகளாவிய விமான விதிமுறைகளின் கட்டமைப்பிற்குள் செயல்படுவதற்கான அவர்களின் திறனை ஆதரிப்பதும் இந்த நிகழ்ச்சியின் நோக்கமாகும்.

2025 ஏப்ரல் 28,  அன்று நடைபெற்ற தொடக்க அமர்வில், சிவில் மற்றும் இராணுவ விமானப் போக்குவரத்துக்கு தொடர்புடைய ஒழுங்குமுறை அதிகாரிகள் மற்றும் இணக்கத் தரநிலைகள் மீது கவனம் செலுத்தி சர்வதேச விமானச் சட்டம் குறித்த அறிமுகம் வழங்கப்பட்டது  இந்த அமர்வில் 70 விமானப்படை விமானிகள் கலந்து கொண்டனர்.

50 விமானிகள் கலந்து கொண்ட இரண்டாவது அமர்வு,  2025  ஜூன் 02, அன்று நடைபெற்றது, மேலும் விமானச் சட்டத்தின் மிகவும் மேம்பட்ட மற்றும் செயல்பாட்டு ரீதியாக பொருத்தமான அம்சங்களை உள்ளடக்கியது. விமானக் கடத்தல் குறித்த சர்வதேச சட்ட கட்டமைப்பு, விமானங்களை இடைமறிப்பதற்கான விதிகள், மற்றும் பணியாளர்களின் நிலை மற்றும் விமானத்தின் கேப்டனின் அதிகாரம் ஆகியவை உள்ளடக்கப்பட்ட தலைப்புகளில் அடங்கும்.