இலங்கை விமானப்படையின் அதிகாரப்பூர்வ வலைத்தளமான www.airforce.lk, LK டொமைன் பதிவகத்தால் ஏற்பாடு செய்யப்பட்ட BestWeb.lk 2025 போட்டியில் ஒட்டுமொத்த பிரிவிற்கான  தங்க விருதைப் பெற்றது.  இது ஒரு மகத்தான வெற்றியைக் குறிக்கிறது.  அரசாங்க வலைத்தளப் பிரிவில் தங்க விருதையும் சிறந்த மொபைல் பயனர் அனுபவ விருதையும் வென்றதன் மூலம் விமானப்படை வலைத்தளம் மூன்று விருதுகளை  பெற்றுள்ளது.


விருது வழங்கும் விழா சமீபத்தில் (ஆகஸ்ட் 27) ஸ்ரீ ஜெயவர்தனபுராவின் கோட்டேயில் உள்ள மோனார்க் இம்பீரியல் ஹோட்டலில் நடைபெற்றது. டிஜிட்டல் பொருளாதார அமைச்சின் பதில் செயலாளர் திரு. வருண ஸ்ரீ தனபால பிரதம விருந்தினராகக் கலந்து கொண்டார், அதே நேரத்தில் LK டொமைனின் பதிவாளர் பேராசிரியர் கிஹான் டயஸ் வரவேற்பு உரையை நிகழ்த்தினார், அவர் இலங்கையின் வளர்ச்சிக்கு டிஜிட்டல் தொழில்நுட்பத்தின் முக்கியத்துவத்தை எடுத்துரைத்தார்.


2009 ஆம் ஆண்டு முதல் அரசாங்க வலைத்தளப் பிரிவில் தங்கம், வெள்ளி மற்றும் வெண்கல விருதுகளை தொடர்ச்சியாக வென்ற airforce.lk வலைத்தளம், அதன் சரியான பராமரிப்பு மற்றும் நிலையான புதுப்பிப்பு செயல்முறையின் அடிப்படையில் BestWeb.lk 2025 போட்டியில் ஒட்டுமொத்த பிரிவின் தங்க விருதையும் வென்றது, இது விமானப்படைக்கு பெருமை சேர்க்கும்  சாதனையாகும்.

விமானப்படை சார்பாக மின்னணுவியல் மற்றும் கணினி பொறியியல் பணிப்பாளர் நாயகம் எயார்  வைஸ் மார்ஷல் அசித ஹெட்டியாராச்சி, விமானப்படை ஊடகபிரிவின்  பணிப்பாளர்  குரூப் கேப்டன் எரந்த கீகனகே, தகவல் தொழில்நுட்ப பணிப்பாளர்  குரூப் கேப்டன் சானக சூரியாராச்சி, குரூப் கேப்டன் சம்பத் குமார மற்றும் விங் கமாண்டர் பஷன்  குணசேகர உள்ளிட்டோர் கலந்து கொண்டனர்.