மேஜர் ஜெனரல் பவன்பால் சிங் தலைமையிலான இந்திய தேசிய பாதுகாப்பு கல்லூரியின் (NDC) 16 பேர் கொண்ட குழு, 2025 செப்டம்பர் 01,  அன்று விமானப்படை தலைமையகத்திற்கு வருகை தந்தனர். 

விமானப்படை தலைமையகத்திற்கு வருவதற்கு முன்பு, ஸ்ரீ ஜெயவர்தனபுராவின் கோட்டேயில் உள்ள இந்திய அமைதி காக்கும் படை நினைவுச்சின்னத்திற்கு தூதுக்குழு சென்றது. அங்கு, இலங்கையில் உச்சபட்ச தியாகத்தை செய்த இந்திய அமைதி காக்கும் படை வீரர்களுக்கு மலர் அஞ்சலி செலுத்தினர்.

குழுவின் தலைவர் மேஜர் ஜெனரல் பவன்பால் சிங் மற்றும் பல உறுப்பினர்கள் விமானப்படைத் தலைமை தளபதி எயார்  வைஸ் மார்ஷல் லசித சுமனவீரவை சந்தித்தனர். இந்த நிகழ்வைக் குறிக்கும் வகையில் இருவருக்கும் இடையில்  சின்னம் பரிமாறிக் கொள்ளப்பட்டது.

சீனக்குடா  விமானப்படை அகாடமியின் கட்டளை அதிகாரி  எயார்  கொமடோர் அமல் பெரேரா, இலங்கை விமானப்படையின் வரலாறு, மோதலுக்குப் பிந்தைய பங்கு மற்றும் சவால்கள் குறித்து விளக்கவுரை வழங்கினார். இந்த அமர்வில் துணைத் தலைமைத் தளபதி எயார் வைஸ் மார்ஷல் டெமியன் வீரசிங்க, விமானப்படை பணிப்பாளர்கள்  குழு உறுப்பினர்கள் மற்றும் மூத்த அதிகாரிகள் கலந்து கொண்டனர்.