சீனக்குடா  விமானப்படை அகாடமியின் , இளைய கட்டளை மற்றும் பணியாளர் கல்லூரி அரங்கில்  2026 ஏப்ரல் 10 அன்று எண் 81 இளைய கட்டளை மற்றும் பணியாளர் பாடநெறியின் பட்டமளிப்பு விழா நடைபெற்றது. இந்நிகழ்ச்சியில் 27 இலங்கை விமானப்படை அதிகாரிகளும் 02 இலங்கை கடற்படை அதிகாரிகளும் கலந்துகொண்டு, 14 வார விரிவான கல்வித் திட்டத்தை வெற்றிகரமாக நிறைவு செய்ததைக் குறித்தனர்.

தரைப்படை நடவடிக்கைகளின் பணிப்பாளர் நாயகம், எயர் வைஸ் மார்ஷல் ருவன் சந்திமா பிரதம விருந்தினராகக் கலந்துகொண்டார்.

பட்டதாரிகளிடையே உரையாற்றிய எயார் வைஸ் மார்ஷல்  சந்திம, தொடர்ச்சியான தொழில்முறை மேம்பாடு மற்றும் இராணுவத் தலைமைத்துவத்தில் சிறந்து விளங்குவதன் முக்கியத்துவத்தை வலியுறுத்தினார். எதிர்காலப் பதவிகளிலும் நேர்மை, தொழில்முறை மற்றும் சேவையின் மிக உயர்ந்த தரங்களைப் பேணுமாறு அதிகாரிகளை அவர் ஊக்குவித்தார். மேலும், சவாலான பாடநெறியை வெற்றிகரமாக நிறைவுசெய்த பட்டதாரிகளின் அர்ப்பணிப்பு, விடாமுயற்சி ஆகியவற்றைப் பாராட்டிய அவர், அவர்களின் சாதனைகளுக்குத் தனது மனமார்ந்த வாழ்த்துக்களைத் தெரிவித்தார்.