மத்திய ஆப்பிரிக்கக் குடியரசில் ஐக்கிய நாடுகளின் பலபரிமாண ஒருங்கிணைந்த நிலைப்படுத்தல் பணியின் (MINUSCA) கீழ் பணியில் ஈடுபடுத்தப்பட்டுள்ள இலங்கை விமானப்படை, தாயகத்திலிருந்து ஆயிரக்கணக்கான மைல்கள் தொலைவில் இருந்தபோதிலும், இலங்கையின் வளமான கலாச்சாரப் பாரம்பரியத்தைப் பாதுகாக்கும் வகையில், 2026 ஆம் ஆண்டு சிங்கள மற்றும் தமிழ் புத்தாண்டை மிகுந்த உற்சாகத்துடன் கொண்டாடியது.

இலங்கை படைப்பிரிவின் அனைத்து உறுப்பினர்களும் ஒற்றுமை, நட்பு மற்றும் கொண்டாட்ட மனப்பான்மையுடன் ஒன்றுபட்டிருந்தனர், மேலும் இக்கொண்டாட்டங்கள் பட்டாலியன் வளாகத்தில் நடைபெற்றன. பிரதம விருந்தினராகக் கலந்துகொண்ட பதில் பிரிவின்  கட்டளை அதிகாரி  விங் கமாண்டர் விகும் மபதுனா அவர்களால் இந்நிகழ்வு தொடங்கி வைக்கப்பட்டது.

இக்கொண்டாட்டங்களில், உற்சாகமான மற்றும் சுவாரஸ்யமான பாரம்பரிய புத்தாண்டு விளையாட்டுகளின் தொடர் இடம்பெற்றது.

இந்நிகழ்விற்கு மேலும் மெருகூட்டும் வகையில், இசை நிகழ்ச்சிகளும் கலாச்சார அனுபவங்களும் ஏற்பாடு செய்யப்பட்டிருந்தன.