ශ‍්‍රී ලංකා ගුවන් හමුදා සේවා වනිතා ඒකකය මගින් සංවිධානය කරනු ලබන  හමුවීම් මාලාවේ තවත් එක් හමුවක් 2015 ඔක්තොම්බර් මස 16 දින ශ‍්‍රී ලංකා ගුවන් හමුදා දියතලාව කඳවුරේදී පවත්වන ලදී. මේ සඳහා කඳවුරේ සේවය කරනු ලබන නිලධාරිනීන්, ගුවන් කාන්තාවන් සහ සේවා පුද්ගලයින්ගේ භාර්යාවන් රැසක් සහභාගී වූහ.

ගුවන් හමුදා සේවා වනිතා ඒකකයේ සභාපතිණී සමන්ති බුලත්සිංහල මහත්මියගේ ප‍්‍රධානත්වයෙන් මෙම හමුව පවත්වනු ලැබූ අතර මෙහිදී සහභාගීවූවන් සමග සේවා වනිතා කටයුතු සම්බන්ධයෙන් ඇති ප‍්‍රශ්න හා ගැටලූ පිළිබඳව සාකච්ජා කරන ලදී.

එසේම හමුව අවසානයේ ගුවන් හමුදා පෙර පාසලේ උපදේශකතුමිය හා පෙර පාසලේ ඉගෙනුම ලබන සිසු දරු දැරියන් හමුවූ අතර ගුවන් හමුදා සේවා වනිතා ඒකකයේ සභාපතිතුමිය ඔවුන් සමග  සුහද කථාබහකද නිරත විය.

ගුවන් හමුදා සේවා වනිතා ඒකකයේ සභාපතිනී සමන්ති බුලත්සිංහල මහත්මිය, දියතලාව ගුවන් හමුදා කඳවුරේ අණදෙන නිළධාරී එයාර් කොමඩෝර් ඩීජේසී වීරකෝන් සහ සේවා වනිතා ඒකකයේ කාර්යමණ්ඩලය මෙම අවස්ථාවට සහභාගි වූහ