ගුවන් මිතුදම් ව්‍යාපෘතියේ 14 වන අදියර 2021 ඔක්තෝම්බර් 11 වන දින කටුනායක බණ්ඩාරනායක ජාත්‍යන්තර ගුවන්තොටුපල ගුවන් හමුදා කඳවුරේදී සේවා වනිතා ඒකකයේ සභාපතිනී චාමිණි පතිරණ මහත්මියගේ මගපෙන්වීම යටතේ සාර්ථකව අවසන් කරන ලදී.

මෙම ව්‍යාපෘතියේදී මිනුවන්ගොඩ මූලික රෝහල වෙත ඔක්සිජන් සිලින්ඩර  ඇතුළු අත්‍යාවශ්‍ය වෛද්‍ය උපකරණ කට්ටලයක් ලබා දෙන ලදී.

බණ්ඩාරනායක ජාත්‍යන්තර ගුවන්තොටුපල කඳවුරේ අණදෙන නිලධාරී එයාර් කොමඩෝර් ෂෙහාන් විජයනායක ගේ අධීක්ෂණය යටතේ මෙම උත්සවය සාර්ථකව නිම කරන ලදී. වෛද්‍ය අධිකාරී වෛද්‍ය ජයන්ත අභයරත්න, වෛද්‍ය උපදේශක බරණ මිල්ලවිතාන සහ මහජන සෞඛ්‍ය වෛද්‍ය නිලධාරී වෛද්‍ය පියුමි එදිරිසිංහ යන මහත්ම මහත්මීන් මෙම අවස්ථාවට සහභාගී වූ අතර එම වෛද්‍ය උපකරණ ලබා ගැනීමේ වැදගත්කම පිළිබඳව රෝහල් කාර්ය මණ්ඩලය වෙනුවෙන් සිය අවංක කෘතඥතාව පළ කළහ. පවතින වසංගත තත්ත්වය හා කොවිඩ්-19 සීමා කිරීම් හේතුවෙන් සීමිත සහභාගිවන්නන් සංඛ්‍යාවක් සමඟ උත්සවය පැවැත්විණි.