අන්තර් ඒකක අත්පන්දු ශූරතාවලිය 2022 ශ්‍රී ලංකා ගුවන් හමුදා කොළඹ රයිෆල් ග්‍රීන් පිටියේදී 2022 අගෝස්තු 15 සිට 2022 අගෝස්තු 19 දක්වා පවත්වන ලදී.එහි අවසන් මහා තරගය තුම්මුල්ල සෞඛ්‍ය කළමනාකරණ මධ්‍යස්ථානයේදී පැවැත්විණි.අවසන් තරගය නැරඹීම සඳහා ප්‍රධාන ආරාධිත අමුත්තා ලෙස මෙහෙයුම් භූමි අධ්‍යක්ෂ එයාර් වයිස් මාර්ෂල් ඒ.ජේ.අමරසිංහ මහතා සහභාගී වූ අතර ශ්‍රී ලංකා අත්පන්දු සම්මේලනයේ සභාපති උපාලි රාජපක්ෂ මහතා,ගුවන් හමුදා අත්පන්දු සභාපති එයාර් වයිස් මාර්ෂල් ජේ.පී. බාලසූරිය,ගුවන් හමුදා ක්‍රීඩා කවුන්සිලයේ සාමාජිකයින්, ජ්‍යෙෂ්ඨ නිලධාරීන් සහ සෙසු නිලයින්ද මෙම අවස්ථාවට සහභාගි විය.

සමස්ත කාන්තා කණ්ඩායම් ශූරතාව ගුවන් හමුදා චීනවරාය විද්‍යාපීඨය විසින් හිමිකර ගන්නා ලද අතර ගුවන් හමුදා දියතලාව සටන් පුහුණු පාසල අනුශූරියන් බවට පත්විය.ශ්‍රී ලංකා ගුවන් හමුදා කොළඹ කඳවුරේ පිරිමි කණ්ඩායම පිරිමි අංශයේ ශූරයන් බවට පත් වූ අතර ගුවන් හමුදා වන්නි රෙජිමේන්තු පුහුණු පාසලේ කණ්ඩායම අනුශූරයන් ලෙස තරඟාවලිය නිමා කරන ලදී.