ශ්‍රී ලංකා ආරක්ෂක සේවා රග්බි කණ්ඩායම 2023 අගෝස්තු 22 වන දින සිට 2023 අගෝස්තු 27 වන දින දක්වා රුසියාවේ මොස්කව්හිදී පැවැත්වීමට නියමිත අංක 1 ජාත්‍යන්තර ආරක්ෂක සේවා ක්‍රීඩා රග්බි-7 අභියෝගයට සහභාගී වීම සඳහා දිවයිනෙන් පිටත්ව යන ලදී. මෙම ශූරතාවලිය සදහා රුසියාව, දකුණු අප්‍රිකාව, බෙලාරුස් සහ බංග්ලාදේශය වැනි ප්‍රමුඛ රටවල් තරඟ වැදීමට නියමිතව ඇත..

ගුවන් හමුදාධිපති සහ ජනාධිපති ආරක්‍ෂක සේවා ක්‍රීඩා මණ්‌ඩලයේ එයාර් මාර්ෂල් උදේනි රාජපක්‍ෂ මහතා සහභාගි වූවන් වෙත සිය සුබපැතුම් පළ කළ අතර ක්‍රීඩා උළෙලේ සියලු කටයුතු සාර්ථක වේවායි ප්‍රාර්ථනා කළේය. ආරක්‍ෂක සේවා ක්‍රීඩා මණ්‌ඩලයේ ලේකම් ගෲප් කැප්ටන් එරන්ද ගීගනගේ මහතා ද ජනාධිපති ආරක්‍ෂක සේවා ක්‍රීඩා මණ්‌ඩලය සහ ආරක්‍ෂක සේවා රග්බි කණ්ඩායම සමඟ නිල ඡායාරූපයට සහභාගි විය.

ශ්‍රී ලංකා ආරක්‍ෂක සේවා කණ්ඩායම ශ්‍රී ලංකා යුද හමුදාව, ශ්‍රී ලංකා නාවික හමුදාව සහ ශ්‍රී ලංකා ගුවන් හමුදාවේ නිලධාරීන් හතර දෙනෙකු සමඟ ක්‍රීඩකයින් 13 දෙනෙකුගෙන් සමන්විත වේ. ශ්‍රී ලංකා නාවික හමුදාවේ ආරක්‍ෂක සේවා රග්බි සභාපති කොමඩෝර්  පිටිගල දූත මණ්ඩල ප්‍රධානියා ලෙස කටයුතු කරන අතර කණ්ඩායම් කළමනාකරු බ්‍රිගේඩියර් ඩී කේ අලුත්දෙණිය මහතා වේ. මෙම සහභාගීත්වය CISM "ක්‍රීඩාව හරහා මිත්‍රත්වය" යන ආදර්ශ පාඨයට අනුපූරක වෙමින් හමුදා සහ ක්‍රීඩා රාජ්‍ය මිත්‍රත්වය මැනවින් පෙන්නුම් කරයි.