14 වන ජාත්‍යන්තර හමුදා ක්‍රීඩා කවුන්සිල ලෝක ආරක්ෂක සේවා ගොල්ෆ් ශූරතාවලිය 2023 සඳහා සාමාජිකයින් දොළොස් දෙනෙකුගෙන් යුත් ආරක්ෂක සේවා නියෝජිත කණ්ඩායමකගේ සහභාගීත්වයෙන් ශූරතාවලිය 2023 ඔක්තෝබර් 01 වන දින සිට 08 වන දින දක්වා සැන් නගරයේ පැවැත්වීමට නියමිතය. ඇමරිකා එක්සත් ජනපදයේ, කැලිෆෝනියා, සැන් ඩියාගෝ හි පිහිටි සුප්‍රසිද්ධ ගොල්ෆ් පිටියේ තරඟ කිරීමට නියමිතව ඇති අතර, ලොව පුරා සිටින ආරක්ෂක සේවා ගොල්ෆ් ක්‍රීඩකයින් සඳහා ත්‍රාසජනක අවස්ථාවට මුහුණදිමට හැකියාව ඇත.

ශ්‍රී ලංකා ගුවන් හමුදාවේ එයාර් වයිස් මාර්ෂල් උදුල විජේසිංහ දූත පිරිසේ ප්‍රධානියා ලෙස කටයුතු කරයි. තවද, ශ්‍රී ලංකා යුද හමුදාවෙන් ලුතිනන් කර්නල් ජයරත්න, මේජර් ජෙනරාල් අමරපාල, සහ මේජර් ජෙනරාල් කුලතුංග, නාවික හමුදාවේ කැප්ටන්  මුම්මුල්ලගේ සහ කැප්ටන් මහේෂ්, මෙන්ම ගෲප් කැප්ටන් ජයලත් සහ විංග් කමාන්ඩර්  විඡේකෝන් ගුවන් හමුදාව යන නිළධාරීවරුන් ශ්‍රී ලංකා හමුදාව නියෝජනය කරන සාමාජිකයින් වේ.

14 වන ජාත්‍යන්තර හමුදා ක්‍රීඩා කවුන්සිල ලෝක ආරක්ෂක සේවා ගොල්ෆ් ශූරතාවලිය ගොල්ෆ් ක්‍රීඩාවේ දක්ෂතා ප්‍රදර්ශනය කිරීමට පමණක් නොව හමුදා නිලධාරීන් අතර ලෝක ව්‍යාප්ත සම්බන්ධතා සහ සුහදත්වය ඉහළ නැංවීමට අවස්ථාවක් ලබා දෙයි. සහභාගිවන්නන් ශ්‍රී ලංකාව නියෝජනය කරන අතරතුර ක්‍රීඩාශීලිත්වයේ සහ කණ්ඩායම් ක්‍රියාකාරකම්වල වටිනාකම් ප්‍රවර්ධනය කරමින් උද්යෝගිමත් තරඟයක නිරත වනු ඇත.