චීන වරාය ගුවන් හමුදා විද්‍යාපීඨයේ අංක 06 ගුවන් ආරක්ෂක රේඩාර් බලඝණය (ADRS) සිය 14 වන සංවත්සරය 2023 ඔක්තෝබර් 15 වන දින සමරන ලදී. ජාතික ගුවන් ආරක්ෂක පද්ධතියේ අනිවාර්ය අංගයක් ලෙස අංක 06 ගුවන් ආරක්ෂක රේඩාර් බලඝණය පිහිටුවන ලද අතර, එය 2009 ඔක්තෝම්බර් 15 වන දින වීරවිල ගුවන් හමුදා කඳවුරේදී ආරම්භ කරන ලද අතර පසුව  2012 මැයි 05 වන දින ශ්‍රී ලංකා ගුවන් හමුදා චීන වරාය විද්‍යාපීඨය වෙත ගෙන යන ලදී.

මෙම අවස්ථාව සනිටුහන් කරමින්, අණදෙන නිළධාරී විංග් කමාන්ඩර් බී.ජී.ඩී.පී. ජයරත්න විසින් සමාලෝචනය කරන ලද බලඝණ පරිශ්‍රයේ පැවති චාරිත්‍රානුකූල වැඩ පෙළපාලියකින් දින සැමරුම ආරම්භ කරන ලදී.

සංවත්සර උත්සවයට සමගාමීව ටී/වෙල්ලයිමනල් අල් අසාර් මුස්ලිම් මහා විද්‍යාලය, දිමුතුගම සමුද්‍රාසන්න විවේකාරාම විහාරස්ථානය සහ වෙල්ලයිමනල් ශුද්ධෝත්තම දේවස්ථානයේදී ශ්‍රමදාන ව්‍යාපාර පවත්වන ලදී. අනතුරුව  චීන වරාය ‘රේවත’ ළමා නිවාසයේ දරුවන් සඳහා දිවා ආහාර සහ ත්‍යාග බෙදා දෙන ලදී.

බලඝණයේ නිළධාරීන් සෙසු නිලයින් සහභාගීත්වයෙන් පැවති සුහද ක්‍රිකට් තරගාවලියකින් සංවත්සර දින සැමරුම අවසන් විය.