අන්තර් ඒකක බේස්බෝල් ශූරතාවලියේ අවසන් තරගය සහ ත්‍යාග ප්‍රදානෝත්සවය 2023 දෙසැම්බර් 15 වන දින ශ්‍රී ලංකා ගුවන් හමුදා බේස්බෝල් සභාපති ගෲප් කැප්ටන් චන්දිමාල් හෙට්ටිආරච්චි මහතාගේ මඟපෙන්වීම යටතේ ඒකල ගුවන් හමුදා වෘත්තීය පුහුණු පාසලේදී පැවැත්විණි. මෙම අවස්ථාවට ප්‍රධාන ආරාධිත අමුත්තා වශයෙන් අධ්‍යක්ෂ ජනරාල් ඉලෙක්ට්‍රොනික හා පරිගණක ඉංජිනේරු, එයාර් කොමඩොර් ඩේමියන් වීරසිංහ මහතා සහභාගි විය.

ඒකල ගුවන් හමුදා පුහුණු පාසලේ පැවති අවසන් මහා තරගයේදී කටුනායක ගුවන් හමුදා කඳවුරු රෙජිමේන්තු කණ්ඩායම අනුශූරතාව දිනාගත් අතර කටුනායක කඳවුර සමස්ත කාන්තා කණ්ඩායම් ශූරතාව දිනා ගන්නා ලදී.

අයහපත් කාලගුණික තත්ත්වයන් හේතුවෙන් පිරිමි ශූරතාව සම ශූරයන් ලෙස ප්‍රකාශයට පත් කරන ලද අතර එය ශ්‍රී ලංකා ගුවන් හමුදා චීන වරාය සහ ගුවන් හමුදා කොළඹ කඳවුර අතර බෙදා ගන්නා ලදී.

මෙම අවස්ථාව සඳහා ඒකල ගුවන් හමුදා වෘත්තීය පුහුණු පාසලේ අණදෙන නිළධාරී ගෲප් කැප්ටන් උදිත පියසේන, ගුවන් හමුදා ක්‍රීඩා කවුන්සිලයේ සාමාජිකයින් සහ අනෙකුත් සම්භාවනීය ආරාධිතයින් සහභාගී විය.

ප්‍රතිඵල සාරාංශය

කාන්තා ශූරතාවලිය
දක්ෂතම ක්‍රීඩිකාව - නායක ගුවන් කාන්තා දම්රුවන්  (ශ්‍රී ලංකා ගුවන් හමුදා කටුනායක කඳවුරේ රෙජිමේන්තුව පක්ෂාංගය)
දක්ෂතම පිතිකරු - කෝප්‍රල් තිලකරත්න ඩබ්ලිව්ඩීඑස්  (ශ්‍රී ලංකා ගුවන් හමුදා කටුනායක කඳවුර)
දක්ෂතම යොමුකරන්නා - නායක ගුවන් කාන්තා බුද්ධිනී (ශ්‍රී ලංකා ගුවන් හමුදා කටුනායක කඳවුරේ රෙජිමේන්තුව පක්ෂාංගය)
දක්ෂතම ක්‍රීඩිකාව -  ගුවන් කාන්තා අනුරාධි (ගුවන් හමුදා කටුනායක කඳවුර)

පිරිමි ශූරතාව
දක්ෂතම ක්‍රීඩකයා - පියාසර නිලධාරි සීඑස්එස් රණවීර (ශ්‍රී ලංකා ගුවන් හමුදා ඇකඩමිය චීන වරාය)
දක්ෂතම පිතිකරු - සැරයන් දිසානායක (ශ්‍රී ලංකා ගුවන් හමුදා කොළඹ)
දක්ෂතම යොමුකරන්නා - නායක ගුවන් භට බුද්දික ණැH (රී ලංකා ගුවන් හමුදා කොළඹ)

දක්ෂතම ක්‍රීඩකයා - කෝප්‍රල් පුෂ්පකුමාර (ශ්‍රී ලංකා ගුවන් හමුදා ඇකඩමිය චීන වරාය)