ගුවන් හමුදා කටුනායක කඳවුරේ ඉලෙක්ට්‍රොනික හා විදුලි සංදේශ ඉංජිනේරු (E&TE) පක්ෂාංගය 2024 අප්‍රේල් 01 වන දින අභිමානවත් ලෙස 66 වන සංවත්සරය සමරනු ලැබීය. ගුවන් යානා නඩත්තුවේ පුරෝගාමීන් වන E&TE වින්ග් ගුවන් හමුදාවේ සියලුම පියාසර සංයුති සඳහා සිය සේවාව ලබා දී ඇති අතර එය ගුවන් යානා වෙනස් කිරීම් සහ ගුවන් විද්‍යාව ආශ්‍රිත පර්යේෂණ සහ සංවර්ධන ව්‍යාපෘතිවල හරය බවට පත්ව ඇත.

සංවත්සර උත්සවය ආරම්භ කිරීම සඳහා සම්ප්‍රදායික වැඩ පෙළපාලිය පක්‍ෂාංගයේ නිලධාරීන් ඇතුළු සියලුම සාමාඡිකයිනගේ සහභාගිත්වයෙන් පවත්වන ලද අතර එය වත්මන් අණදෙන නිලධාරී විංග් කමාන්ඩර් එම්ඒඑස් හේෂාල් විසින් සමාලෝචනය කරන ලදී. සැමරුම් උත්සවයට සමගාමීව මෝසු ළමා සංවර්ධන මධ්‍යස්ථානයේදී ප්‍රජා සේවා ව්‍යාපෘතියක් ද පවත්වන ලදී.

අධ්‍යක්‍ෂ ජනරාල් ඉලෙක්ට්‍රොනික හා පරිගණක ඉංජිනේරු, එයාර් වයිස් මාර්ෂල් ඩේමියන් වීරසිංහ මහතාගේ සහ සිවිල් කාර්ය මණ්ඩලය ඇතුළු සියලුම අංශ සාමාජිකයන්ගේ සහභාගිත්වයෙන් ක්‍රිකට් තරගාවලියක් ද පවත්වන ලදී.