අඛණ්ඩව ක්‍රියාත්මක වන මානුෂීය සහන කටයුතු සඳහා සහයෝගය දැක්වීමේ අරමුණින්, ස්ටැෆර්ඩ් මෝටර් (පුද්ගලික)  සමාගම 2025 දෙසැම්බර් 11 දින ගුවන් හමුදා සේවා වනිතා ඒකකයට (SVU) ඇඳ ඇතිරිලි, කොට්ට උර සහ තුවා පරිත්‍යාග කළේය.

ජාතික අඛණ්ඩතා සතිය සැමරීම සඳහා රජය ගෙන ඇති පියවරට සහාය දැක්වීම සඳහා, ගුවන් හමුදා අභ්‍යන්තර කටයුතු ඒකකය (IAU) විසින් ‘දූෂණ විරෝධී පනත සහ අල්ලස් හා දූෂණ සම්බන්ධ සාමාන්‍ය වැරදි හැඳින්වීම’ යන මැයෙන් සංවිධානය කරන ලද දේශනයක් 2025 දෙසැම්බර් 10 වන දින ගුවන් හමුදා මූලස්ථානයේදී සාර්ථකව පැවැත්විණි.

මියන්මාර ශ්‍රී ලංකා තානාපති කාර්යාලය විසින් කරන ලද ආරාධනයකට අනුව, 2025 දෙසැම්බර් 05 සිට 07 දක්වා මියන්මාරයේ යැන්ගොන් හි පැවති සංචාරක ප්‍රවර්ධන උත්සවයට ශ්‍රී ලංකා ගුවන් හමුදා නර්තන කණ්ඩායම සහභාගී විය.