කටුනායක ගුවන් හමුදා කඳවුරේ යාන්ත්‍රික හා විදුලි ඉංජිනේරු පක්‍ෂාංගය සිය 19 වන සංවත්සරය 2021 ජුනි 22 දින සමරනු ලැබීය. සියලු ආකාර විදුලි හා යාන්ත්‍රික ස්ථාපනයන්, උත්පාදන යන්ත්‍ර අළුත්වැඩියා කිරීම සහ නඩත්තු කිරීම, වායුසමීකරණ යන්ත්‍ර, සිසිල් කාමර සහ වෙනත් යන්ත්‍රෝපකරණ අළුත්වැඩියා කිරීම සහ නඩත්තු කිරීම සඳහා මෙම පක්ෂාංගය පිහිටුවීම ආරම්භ කරන ලදී.

රටේ වර්තමාන කොවිඩ් -19 වසංගත තත්ත්වය හේතුවෙන් දැඩි ලෙස පීඩාවට පත් මීගමුව ප්‍රදේශයේ සිවිල් ජනතාව සඳහා වියළි සලාක ඇසුරුම් පරිත්‍යාග කිරීමෙන් මෙම උත්සවය සනිටුහන් විය.

මෙම අවස්ථාව සංවිධානය කරන ලද්දේ අණදෙන නිලධාරී ගෲප් කැප්ටන් කේඑම්පී හේවාපර්තිරණගේ මඟ පෙන්වීම යටතේ අංශයේ සේවා පුද්ගලයින් විසිනි.