නවදිල්ලි නුවර පදිංචි ශ්‍රී ලංකාවේ ඉන්දුනීසියානු ආරක්ෂක උපදේශක බ්‍රිගේඩියර් ජෙනරාල් මැරීන්ස් බර්හනුඩින් මහතා 2026 අප්‍රේල් 17 වනදින ගුවන් හමුදා මූලස්ථානයේදී ගුවන් හමුදාපති එයාර් මාර්ෂල් බන්දු එදිරිසිංහ මහතා හමුවිය.

80 B සෘජු බඳවා ගැනීමේ නිලධාරීන්ගේ අලුතින් බඳවා ගත් ශිෂ්‍ය නිලධාරීන් හත් දෙනෙකු 2026 අප්‍රේල් 17 ගුවන් හමුදා මූලස්ථානයේදී ගුවන් හමුදාපති එයාර් මාර්ෂල් බන්දු එදිරිසිංහ මහතාගේ ඉදිරියේ දිවුරුම් දෙන ලදී.

2026 අප්‍රේල් 17 වන දින සිට බලපැවැත්වෙන පරිදි ශ්‍රී ලංකා ගුවන් හමුදාවේ භූමි මෙහෙයුම් අධ්‍යක්ෂ ජෙනරාල් ලෙස එයාර් වයිස් මාර්ෂල් වජිර සේනාධීර මහතා පත් කරන ලදී. ගුවන් හමුදා මූලස්ථානයේදී ගුවන් හමුදාපති එයාර් මාර්ෂල් බන්දු එදිරිසිංහ මහතා නිල වශයෙන් පත්වීමේ ලිපිය එයාර් වයිස් මාර්ෂල් වජිර සේනාධීර මහතා වෙත භාර දුන් අතර අලුතින් පත් වූ භූමි මෙහෙයුම් අධ්‍යක්ෂ ජෙනරාල්වරයාට සිය සුභ පැතුම් එක් කළේය.

2026 අප්‍රේල් 17 වන දින, ජාතිය වෙනුවෙන් කැපවූ වසර 33 ක සේවයක් සම්පූර්ණ කිරීමෙන් පසු, එයාර් වයිස් මාර්ෂල් රුවන් චන්දිම මහතා ශ්‍රී ලංකා ගුවන් හමුදාවට සමුදෙන ලදී . ඔහු විශ්‍රාම යන අවස්ථාවේදී, ශ්‍රී ලංකා ගුවන් හමුදාවේ භූමි මෙහෙයුම් අධ්‍යක්ෂ ජෙනරාල් තනතුර දැරීය.

2026 අප්‍රේල් 22 සිට 30 දක්වා චීනයේ පැවැත්වීමට නියමිත 6 වන ආසියානු වෙරළ ක්‍රීඩා උළෙලේදී ශ්‍රී ලංකාව නියෝජනය කිරීමට ශ්‍රී ලංකා ගුවන් හමුදාවේ ක්‍රීඩක ක්‍රීඩිකාවන් , පුහුණුකරුවෙකු, සහ නිලධාරියෙකු ඇතුළුව 17 දෙනෙකු සමන්විත වෙයි.

මහකුබුක්ගොල්ලෑව, මැදවච්චිය ප්‍රදේශයේ සිල්ලර වෙළඳසැලක 2026 අප්‍රේල් 15 ඇති වූ ගින්නකට ප්‍රතිචාර දැක්වීම සඳහා ගුවන් හමුදාව කඩිනම් සහය ලබා දෙන ලදී . ගින්න විදුලි දෝෂයක් නිසා ඇති වූවක් බවට විශ්වාස කෙරේ.