ආරක්ෂක සේවා ක්‍රීඩා උළෙල බ්‍රිලියඩ් සහ ස්නූකර් ශූරතාවලිය 2022 නොවැම්බර් 02 සිට 04 දක්වා කටුනායක ගුවන් හමුදා කඳවුරේදී ගුවන් හමුදා බ්‍රිලියඩ් සහ ස්නූකර් සභාපති එයාර් කොමඩෝර් ෂෙහාන් විජයනායක මහතාගේ අධීක්ෂණය යටතේ පැවැත්විණි.

ශ්‍රී ලංකා ගුවන් හමුදා බ්‍රිලියඩ් සහ ස්නූකර් කණ්ඩායම ලකුණු 14ක් ලබා ගනිමින් අනුශූරතාව දිනාගත් අතර ලකුණු 26ක් ලබාගත් ශ්‍රී ලංකා යුද හමුදාව සමස්ත ශූරතාව හිමිකර ගන්නා ලදී.

ප්‍රධාන ආරාධිත අමුත්තා ලෙස ගුවන් මෙහෙයුම් අධ්‍යක්ෂ, එයාර් වයිස් මාර්ෂල් වී.බී.එදිරිසිංහ සහභාගි විය. මෙම අවස්ථාවට කටුනායක ගුවන් හමුදා කඳවුරු අණදෙන නිලධාරී එයාර් වයිස් මාර්ෂල් ලසිත සුමනවීර සහ ත්‍රිවිධ හමුදාවේ ජ්‍යෙෂ්ඨ නිලධාරීන් පිරිසක් සහභාගී විය.