2022 අන්තර් ඒකක වුෂු ශූරතාවලිය 2022 නොවැම්බර් 30 වන දින සිට 2022 දෙසැම්බර් 02 දක්වා කටුනායක ගුවන් හමුදා කඳවුරු ගෘහස්ථ ක්‍රීඩා සංකීර්ණයේදී පැවැත්විණි. අවසන් මහා තරඟය සහ ත්‍යාග ප්‍රදානෝත්සවය 2022 දෙසැම්බර් 02 වන දින එම ස්ථානයේදීම ගුවන් හමුදා කඳවුරු අණදෙන නිළධාරී එයාර් වයිස් මාර්ෂල් එල්.එච්.සුමනවීර නිළධාරීතුමන්ගේ සහභාගීත්වයෙන් පැවැත්විණි.

ජාත්‍යන්තර වුෂු සම්මේලනයේ (IWUF) නව නීති රීති යටතේ පිරිමි සඳහා බර කාණ්ඩ 08ක් සහ කාන්තාවන් සඳහා බර කාණ්ඩ 06ක් යටතේ මෙම ඉසව්ව පවත්වන ලදී. පිරිමි ශූරතාවලිය ගුවන් හමුදා විද්‍යාපීඨය චීන වරාය විසින් දිනා ගන්නා ලද අතර කාන්තා ශූරතාව කොළඹ ගුවන් හමුදා කඳවුර විසින් හිමිකර ගන්නා ලදී. දියතලාව ගුවන් හමුදා සටන් පුහුණු පාසල පිරිමි අංශයේ අනුශූරතාව සහ කාන්තා අංශයේ අනුශූරතාව ගුවන් හමුදා විද්‍යාපීඨය චීන වරාය විසින් දිනා ගන්නා ලදී.

ගුවන් හමුදා වුෂු සම්මේලනයේ සභාපති ගෲප් කැප්ටන් එස්පීඑස් මාර්ටිනෝ, ගුවන් හමුදා ක්‍රීඩා කවුන්සිලයේ නිලධාරීන්, ජ්‍යෙෂ්ඨ නිලධාරීන් සහ අනෙකුත් ආරාධිතයින් අවසන් තරඟ සහ සම්මාන ප්‍රදානෝත්සවය සඳහා සහභාගී විය.