අංක 44 නිලධාරී, අංක 60 ගුවන් භට සහ අංක 35 නාවික හමුදා පුපුරණ ද්‍රව්‍ය නිෂ්ක්‍රීය කිරීමේ (EOD) මූලික පාඨමාලා සඳහා සහතිකපත් සහ ලාංඡන ප්‍රදානය කිරීමේ උත්සවය 2023 ජුනි මස 28 වන දින පාලවි ගුවන් හමුදා කඳවුරු පරිශ්‍රයේදී පැවැත්විණි.මෙම අවස්ථාවට ප්‍රධාන ආරාධිත අමුත්තා ලෙස භූමි මෙහෙයුම් අධ්‍යක්‍ෂ මණ්ඩලයේ ජ්‍යෙෂ්ඨ මාණ්ඩලික නිලධාරී එයාර් කොමදෝරු බී.ඒ.එම්.පී බාලසූරිය මහතා සහභාගි විය.

මෙම පාඨමාලාව සඳහා ගුවන් හමුදා නිලධාරීන් පස් දෙනෙකු, ගුවන් භටයින් 17 දෙනෙකු සහ නාවිකයින් සිව් දෙනෙකු ඇතුළත් විය. මෙම උත්සවයේදී පුපුරණ ද්‍රව්‍ය නිෂ්ක්‍රීය කිරීමේ මූලික පුහුණුව සාර්ථකව නිම කිරීම සනිටුහන් කරමින් අභ්‍යාසලාභීන් 26 දෙනෙකුට සහතික පත් සහ නිල ලාංඡන හිමි විය.