දියතලාව ගුවන් හමුදා සටන් පුහුණු පාසල විසින් 2024 නොවැම්බර් 08 දින අංක 69 නිලධාරී ශිෂ්‍යභට නිලධාරීන්ගේ සහ අංක 21 දරණ කාන්තා නිලධාරී ශිෂ්‍යභටයන්ගේ මූලික බිම් සටන් පාඨමාලා පෙළපාලිය සහ අංක 173 නිත්‍ය ගුවන් භටයින්ගේත්‍, අංක 43 නිත්‍ය ගුවන් කාන්තා සහ අංක 41 සෘජු ප්‍රවේශ ගුවන් භටයින් හා ගුවන් කාන්තා පුහුණු පාඨමාලා සඳහා විසිර යාමේ පෙළපාලිය පැවැත්විණි.

මෙම අවස්ථාවට ප්‍රධාන ආරාධිත අමුත්තා ලෙස සහභාගී වූයේ ගුවන් මෙහෙයුම් අධ්‍යක්ෂ ජනරාල් එයාර් වයිස් මාර්ෂල් ලසිත සුමනවීර නිලධාරිතුමන්, අධ්‍යක්ෂ ජනරාල් පුහුණු එයාර් වයිස් මාර්ෂල් දේශප්‍රිය සිල්වා නිලධාරිතුමන්, දියතලාව ගුවන් හමුදා සටන් පුහුණු පාසලේ අණදෙන නිලධාරී එයාර් කොමදෝරු හියුමාල් ධර්මදාස නිලධාරිතුමන්, ශ්‍රී ලංකා යුද හමුදාවේ සහ ශ්‍රී ලංකා පොලිසියේ ජ්‍යෙෂ්ඨ නිලධාරීන් සහ ආරාධිතයින් ද මෙම අවස්ථාවට එක්ව සිටියහ. මෙම පෙළපාලිය සටන් පුහුණු පාසලේ අණදෙන නිලධාරී විංග් කමාන්ඩර් කණිෂ්ක ජයසේකර නිලධාරිතුමන් විසින් අණදෙන ලදී.

ගුවන් භටයින් සහ ගුවන් කාන්තාවන් 541 දෙනෙකු සමඟින් කාන්තා කැඩෙට් නිලධාරිනියන් ඇතුළු නිලධාරි කෙඩෙට් නිලධාරීන් 28 දෙනෙකු දියතලාව ගුවන් හමුදා සටන් පුහුණු පාසලේදී සිය මූලික සටන් පුහුණුව සාර්ථකව නිම කරන ලදී. ප්‍රධාන ආරාධිත අමුත්තා පෙළපාලිය අතරතුර නවකයින් අමතා මූලික භූමි සටන් පුහුණුව සාර්ථකව නිම කිරීම පිළිබඳව ඔවුන්ට සුබපැතුම් පිරිනැමීය.  ජාතියේ තිරසාර සංවර්ධනයට දායක වීමේ ඔවුන්ගේ කාර්යභාරයේ වැදගත්කම ඔහු අවධාරණය කළ අතර ඔවුන්ගේ සියලු අනාගත කාර්යයන්හිදී  ‘තමන්ට පෙර රට’ යන මාර්ගෝපදේශක මූලධර්මය ආරක්ෂා කිරීමට ඔවුන් දිරිමත් කළේය.

විසිර යාමේ පෙළපාලියෙන් අනතුරුව ගුවන් හමුදා තූර්ය වාදක කණ්ඩායම විසින් ඉදිරිපත් කරන ලද තූර්ය වාදක සංදර්ශනයක් ද පවත්වන ලදී. විසිර ගිය අභ්‍යාසලාභීන් විසින් සරඹ සංදර්ශණයක් සහ නිරායුධ සටන් සංදර්ශණයක් සිදු කරන ලදී.

විශේෂ සම්මාන ලාභීන්

අංක. 69 මූලික නිලධාරි ශිෂ්‍යභට පාඨමාලා බඳවා ගැනීම
 සෑම අතින්ම දක්ෂතම සහ හොඳම ශාරීරික යෝග්‍යතාවයෙන් යුතු නිලධාරි කැඩෙට්
 12910 O/C ප්‍රභාෂ්වර ආර්.ආර්.ඒ

 දක්ෂතම සරඹ ඉදිරිපත් කිරීම සහ හොඳම ශිෂ්‍යයා
 12911 O/C රත්නායක ආර්.එම්.එච්.කේ

 දක්ෂතම වෙඩිතබන්නා
 12918 O/C එදිරිසිංහ වී.කේ.ජී


අංක. 21 මූලික කාන්තා නිලධාරි ශිෂ්‍යභට පාඨමාලා බඳවා ගැනීම
සෑම අතින්ම දක්ෂතම සහ හොඳම ශාරීරික යෝග්‍යතාවයෙන් යුතු කාන්තා  නිලධාරි කැඩෙට් ශිෂ්‍යභට
 00796 L/O/C මෙන්ඩිස් ටී.එච්.කේ

දක්ෂතම සරඹ ඉදිරිපත් කිරීම
00801 L/O/C දෙඹටන ඩී.කේ.එන්

 දක්ෂතම වෙඩිතබන්නා සහ හොඳම ශිෂ්‍යයා
 00798 L/O/C ඇලෙක්සැන්ඩර් එස්ආර්


 අංක. 173 නිත්‍ය ගුවන් භටයින් බඳවා ගැනීමේ පාඨමාලාව

 සෑම අතින්ම දක්ෂතම ගුවන් භටයා
 TA/39144 AC2UT අබේරත්න එම්.ටීඑන්.කේ

 හොඳම ශිෂ්‍යය ගුවන් භටයා
 TA/39010 AC2UT විජේවර්ධන එල්.ඊ.ඒ.බී

 දක්ෂතම සරඹ ඉදිරිපත් කිරීමේ  ගුවන් භටයා
TA/38957 AC2UT වීරසිංහ කේ.ඩබ්ලිව්.ආර්.එස්.ඩී
 
 දක්ෂතම වෙඩිතබන්නා
 TA/39017 AC2UT කෞෂල්‍යය ඩබ්ලිව්.ආර්.සී
 
හොඳම ශාරීරික යෝග්‍යතාවයෙන් යුතු ගුවන් භටයා
TA/39029 AC2UT නයනජිත් කේ.ජී.එන්.සී.එස්

දක්ෂතම මැරතන් ධාවන ගුවන් භටයා
 TA/39097 AC2UT මධුසංක ආර්.එම්.අයි.පී


අංක. 43 නිත්‍ය ගුවන් කාන්තාවන් බඳවා ගැනීමේ පාඨමාලාව
 සෑම අතින්ම දක්ෂතම සහ හොඳම ශිෂ්‍යය ගුවන් කාන්තාව
 TW 4232 AC2UT කෞෂල්‍යා ඒ.ඒ.ටී

දක්ෂතම සරඹ ඉදිරිපත් කිරීමේ  ගුවන් කාන්තාව
 TW 4056 AC2UT හෙට්ටිආරච්චි එච්.ඒ.එන්.එස්

 දක්ෂතම වෙඩිතබන්නා
 TW 4060 AC2UT තත්සරණි ඩබ්ලිව්.ඒ.ටී

 හොඳම ශාරීරික යෝග්‍යතාවයෙන් යුතු ගුවන් කාන්තාව
TW 4020 AC2UT සේනානායක ආර්.එම්.එම්

 දක්ෂතම මැරතන් ධාවන ගුවන් කාන්තාව
 TW 3971 AC2UT දයාසිරි පී.ජී.එල්.එම්