ගුවන්තොටුපල සහ ගුවන් සේවා  සමාගම (AASL) ගිනි නිවීමේ සහ ගලවා ගැනීමේ සේවාවේ පහසුව ඇතිව ශ්‍රී ලංකා ගුවන් හමුදාවේ ගිනි නිවීමේ සහ ගලවා ගැනීමේ සේවාව  2024 නොවැම්බර් 27 දින බණ්ඩාරනායක ජාත්‍යන්තර ගුවන් තොටුපළේ දී විස්තීර්ණ ආදර්ශ ගුවන් යානා ගිනි සරඹයක් සාර්ථකව පවත්වන ලදී. අධ්‍යක්ෂ ජනරාල් ගුවන් මෙහෙයුම්, එයාර් වයිස් මාර්ෂල් ලසිත සුමනවීර නිලධාරිතුමන්ගේ මඟපෙන්වීම යටතේ සහ ගුවන් හමුදා ප්‍රධාන ගිනි නිවන නිලධාරී එයාර් කොමදෝරු සංජය විතාන නිලධාරිතුමන්ගේ අධීක්ෂණය යටතේ, ගුවන් හමුදා ගිනි නිවන භටයින් 40 කට අධික පිරිසක් සහ සහායක කාර්ය මණ්ඩලය සක්‍රීයව සහභාගී වූ අතර ගිනි නිවීමේ පාසලේ අණදෙන නිලධාරී විංග් කමාන්ඩර් චමිල් හෙට්ටිආරච්චි නිලධාරිතුමන් සහ කටුනායක ගුවන් හමුදා කඳවුර ගිනි ටෙන්ඩර් නඩත්තු බලඝණය (FS&FTMS) සහභාගි විය.

උපකල්පිත ලෙස නිර්මාණය කරන ලද ගුවන් අනතුරක් බණ්ඩාරනායක ජාත්‍යන්තර ගුවන් තොටුපළේ Mock-up සරඹ පුහුණු ප්‍රදේශයේ අනුකරණය කරන ලදී. අභ්‍යාසය පුරාවට ශ්‍රී ලංකා ගුවන් හමුදා ගිනි නිවන භටයින්, ගුවන් යානා ගිනි නිවීම, හුස්ම ගැනීමේ උපකරණ මෙහෙයුම්, අනතුරු ප්‍රවාහන ක්‍රම සඳහා ගිනි නිවීමේ සහ ගලවා ගැනීමේ උපක්‍රම පිළිබඳ ඔවුන්ගේ ප්‍රවීණත්ව දක්ෂතා ප්‍රදර්ශනය කළහ. මෙම අභ්‍යාසය මගින් ගුවන් හමුදා ගිනි නිවන භටයින්ගේ මෙහෙයුම් සූදානම, ගිනි නිවීමේ කුසලතා සහ කාලීන ප්‍රතික්‍රියා ඵලදායි ලෙස නිරූපණය කරන ලදී. සරඹය වෘත්තීයමයභාවය සහ නිරවද්‍යතාවයෙන් ක්‍රියාත්මක කර ඇති අතර, සම්බන්ධ වූ සියල්ලන්ගේ ආරක්ෂාව සහතික කිරීම සහ සැබෑ ගුවන් යානා හදිසි අවස්ථාවක් ඵලදායී ලෙස අනුකරණය කිරීම. මෙම අභ්‍යාසයේදී සිදු කරන ලදී.