ගුවන් හමුදාපති එයාර් මාර්ෂල් බන්දු එදිරිසිංහ මහතා විසින් 2025 අප්‍රේල් මස 09 වන දින දිගන ගුවන් හමුදා ආපදා කළමනාකරණ පුහුණු පාසලේ වාර්ෂික ගුවන් හමුදාපති පරීක්ෂණය පවත්වන ලදී. විශේෂයෙන් දිගන ගුවන් හමුදා කඳවුර අංගසම්පූර්ණ ගුවන් හමුදා කඳවුරක් බවට උසස් කිරීමෙන් පසු ගුවන් හමුදාපතිවරයා විසින් සිදු කල පළමු නිල පරීක්ෂණය මෙය වේ. එහි අණදෙන නිලධාරී ගෲප් කැප්ටන් ලක්මාල් ජයතිලක නිළධාරීතුමන් විසින්  ගුවන් හමුදාපතිතුමන් පිළිගැනීම සිදු කරන ලදී.

පරීක්ෂණය අතරතුර, ආපදා කළමනාකරණ පුහුණු පාසලේ අලුතින් ඉදිකරන ලද පුහුණු පක්ෂාංග සංකීර්ණය විවෘත කළ ගුවන් හමුදාපතිවරයා පාසලේ සියලුම ප්‍රදේශ නැරඹීම සිදු කල අතර, පරීක්ෂණයෙන් පසුව, ගුවන් හමුදාපතිවරයා පාසලේ සියලුම නිලයන් අමතනු ලැබීය

සිය අදහස් දැක්වීමේදී, සේවා නිලධාරීන් අතර විනයේ වැදගත්කම අවධාරණය කළ ඔහු, සම්මුතියකින් තොරව සියලු මට්ටම්වල විනය ආරක්ෂා කිරීමේ අවශ්‍යතාවය අවධාරණය කළේය. සියළුම සාමාජිකයින්ට ඔවුන්ගේ රාජකාරිවල සෑම අංශයකම ඉහළම වෘත්තීය ප්‍රමිතීන් පවත්වා ගන්නා ලෙස ඔහු තවදුරටත් උපදෙස් දුන්නේය. ඊට අමතරව, පිරිසිදු ශ්‍රී ලංකා මුලපිරීම යටතේ ක්‍රියාත්මක වන ව්‍යාපෘති කෙරෙහි ගුවන් හමුදාපතිවරයා අවධානය යොමු කළ අතර, ක්‍රියාකාරී සහභාගීත්වය දිරිමත් කරමින් සහ ජාතික සංවර්ධනය සඳහා ගුවන් හමුදාවේ අඛණ්ඩ කැපවීම නැවත තහවුරු කළේය.