ශ්‍රී ලංකා ගුවන් හමුදා පාලවි කඳවුරේ අංක 05 ගුවන් ආරක්ෂක රේඩාර් බලඝණයේ (ADRS) නව අණදෙන නිලධාරී තනතුර භාරදීම සහ භාරගැනීමේ සම්ප්‍රදායික පෙළපාළිය 2025 ජුනි 13 වන  බලඝණ පරිශ්‍රයේදී පවත්වන ලද අතර එහිදී නික්ම යන අණදෙන නිලධාරී වින්ග් කමාන්ඩර් පිජීයුඑන් ධර්මපාල නිළධාරීතුමන් විසින් ස්කොඩ්‍රන් ලීඩර් ආර්ජීසී ලෙනෝරා නිළධාරීතුමන් වෙත තනතුර භාරදීම සිදු කරන ලදී.

නව අණදෙන නිලධාරී, ස්කොඩ්‍රන් ලීඩර් ආර්ජීසී ලෙනෝරා නිළධාරීතුමන් මීට පෙර මිරිගම ගුවන් හමුදා කඳවුරේ ගුවන් ආරක්ෂක අණ සහ පාලන මධ්‍යස්ථානයේ (ADC&CC) අණදෙන නිලධාරි මෙහෙයුම් ලෙස සේවය කළ ඇති අතර. නික්ම යන අණදෙන නිලධාරී වින්ග් කමාන්ඩර් පිජීයුඑන් ධර්මපාල කටුනායක ගුවන් හමුදා කඳවුරේ අංක 01 ගුවන් ආරක්ෂක රේඩාර් බලඝණයේ අණදෙන නිලධාරියා නව තනතුර භාරගැනීමට නියමිතව ඇත.