කොළඹ සෙන්ටෙනියල් රොටරි සමාජයෙන් ගුවන් හමුදාවට වෛද්ය උපකරණ පරිත්යාගයක්
කොළඹ සෙන්ටෙනියල් රොටරි සමාජය විසින් ශ්රී ලංකා ගුවන් හමුදාවට වෛද්ය උපකරණ තොගයක් 2025 දෙසැම්බර් 24 වන දින ගුවන් හමුදා මූලස්ථානයේදී පරිත්යාග කරනු ලැබීය.
මෑත කාලීන ස්වාභාවික විපත් සහ හදිසි අවස්ථා හේතුවෙන් පීඩාවට පත් ජනතාවට අත්යවශ්ය මානුෂීය සහ වෛද්ය සහාය සපයන ගුවන් හමුදාවේ සේවාවන් තවදුරටත් ශක්තිමත් කිරීම මෙම පරිත්යාගයේ ප්රධාන අරමුණ වේ. විපත් අවස්ථාවලදී සිවිල් ජනතාවට කාලෝචිත වෛද්ය ප්රතිකාර සහ සහන සැපයීම සඳහා ගුවන් හමුදා වෛද්ය සහ සහන කණ්ඩායම් විසින් මෙම උපකරණ භාවිතයට ගැනීමට නියමිතය.
හිටපු ගුවන් හමුදාපති සහ කොළඹ සෙන්ටෙනියල් රොටරි සමාජයේ උපදේශකවරයා වන එයාර් චීෆ් මාර්ෂල් ගගන් බුලත්සිංහල (විශ්රාමික) මහතාගේ නායකත්වයෙන් යුත් සමාජ නියෝජිත පිරිසක් මෙම පරිත්යාගය භාරදීම සිදු කළහ. එම නියෝජිත පිරිසට සමාජ භාණ්ඩාගාරික එයාර් වයිස් මාර්ෂල් ක්රිෂාන් යහම්පත් (විශ්රාමික), හිටපු සභාපති ක්රිෂාන්ත පෙරේරා මහතා, සමාජ උපදේශක රන්ජන් අමරසිංහ මහතා, සමාජ ලේකම් ෂෙරොන් ෆර්නැන්ඩුපුල්ලේ මහතා, සමාජ මාධ්ය නියෝජිත ගනිදු පූර්ණ මහතා සහ ඇන්ඩෲ පන්ගොඩ මහතා ඇතුළත් වූහ.
ශ්රී ලංකා ගුවන් හමුදාව වෙනුවෙන් මෙම වෛද්ය උපකරණ තොගය සෞඛ්ය සේවා අධ්යක්ෂ ජෙනරාල් එයාර් වයිස් මාර්ෂල් (ආචාර්ය) ලලිත් ජයවීර මහතා විසින් නිල වශයෙන් භාර ගන්නා ලදී. මෙම කාලෝචිත සහ උදාර දායකත්වය වෙනුවෙන් කොළඹ සෙන්ටෙනියල් රොටරි සමාජයට ඔහු සිය කෘතඥතාව පළ කළ අතර, මෙය විශේෂයෙන්ම විපත් වලින් පීඩාවට පත් ජනතාවට වෛද්ය සහ මානුෂීය සේවාවන් සපයන ගුවන් හමුදාවේ හැකියාව තවදුරටත් වර්ධනය කරනු ඇතැයි ඔහු සඳහන් කළේය.
මෑත කාලීන ස්වාභාවික විපත් සහ හදිසි අවස්ථා හේතුවෙන් පීඩාවට පත් ජනතාවට අත්යවශ්ය මානුෂීය සහ වෛද්ය සහාය සපයන ගුවන් හමුදාවේ සේවාවන් තවදුරටත් ශක්තිමත් කිරීම මෙම පරිත්යාගයේ ප්රධාන අරමුණ වේ. විපත් අවස්ථාවලදී සිවිල් ජනතාවට කාලෝචිත වෛද්ය ප්රතිකාර සහ සහන සැපයීම සඳහා ගුවන් හමුදා වෛද්ය සහ සහන කණ්ඩායම් විසින් මෙම උපකරණ භාවිතයට ගැනීමට නියමිතය.
හිටපු ගුවන් හමුදාපති සහ කොළඹ සෙන්ටෙනියල් රොටරි සමාජයේ උපදේශකවරයා වන එයාර් චීෆ් මාර්ෂල් ගගන් බුලත්සිංහල (විශ්රාමික) මහතාගේ නායකත්වයෙන් යුත් සමාජ නියෝජිත පිරිසක් මෙම පරිත්යාගය භාරදීම සිදු කළහ. එම නියෝජිත පිරිසට සමාජ භාණ්ඩාගාරික එයාර් වයිස් මාර්ෂල් ක්රිෂාන් යහම්පත් (විශ්රාමික), හිටපු සභාපති ක්රිෂාන්ත පෙරේරා මහතා, සමාජ උපදේශක රන්ජන් අමරසිංහ මහතා, සමාජ ලේකම් ෂෙරොන් ෆර්නැන්ඩුපුල්ලේ මහතා, සමාජ මාධ්ය නියෝජිත ගනිදු පූර්ණ මහතා සහ ඇන්ඩෲ පන්ගොඩ මහතා ඇතුළත් වූහ.
ශ්රී ලංකා ගුවන් හමුදාව වෙනුවෙන් මෙම වෛද්ය උපකරණ තොගය සෞඛ්ය සේවා අධ්යක්ෂ ජෙනරාල් එයාර් වයිස් මාර්ෂල් (ආචාර්ය) ලලිත් ජයවීර මහතා විසින් නිල වශයෙන් භාර ගන්නා ලදී. මෙම කාලෝචිත සහ උදාර දායකත්වය වෙනුවෙන් කොළඹ සෙන්ටෙනියල් රොටරි සමාජයට ඔහු සිය කෘතඥතාව පළ කළ අතර, මෙය විශේෂයෙන්ම විපත් වලින් පීඩාවට පත් ජනතාවට වෛද්ය සහ මානුෂීය සේවාවන් සපයන ගුවන් හමුදාවේ හැකියාව තවදුරටත් වර්ධනය කරනු ඇතැයි ඔහු සඳහන් කළේය.
