ශ්‍රී ලංකා ගුවන් හමුදා පාලවිය කඳවුරේ අංක 05 ගුවන් ආරක්ෂක රේඩාර් බලඝණය 2026 මැයි 24 වන දින සිය 19 වන සංවත්සරය සමරන ලදී. චාරිත්‍රානුකූල වැඩ පෙළපාළියකින් සැමරුම ආරම්භ විය. එය අණදෙන නිලධාරී වින්ග් කමාන්ඩර් ගංගාන ලෙනෝරා විසින් පරීක්ෂා කරන ලදී.

සංවත්සර සැමරුමට සමගාමීව 2026 මැයි 22 වන දින පුත්තලම දිස්ත්‍රික්කයේ සෞඛ්‍ය වෛද්‍ය නිලධාරී (MOH) කාර්යාලයේ ශ්‍රමදාන ව්‍යාපාරයක් පවත්වන ලදී. රේඩාර් බලඝණයේ සියලුම සේවා නිලධාරීන් සහ සිවිල් කාර්ය මණ්ඩලයේ සහභාගීත්වයෙන් කඳවුරු ක්‍රීඩා පිටියේදී පැවති රුක් රෝපණ වැඩසටහනක් සහ සුහදශීලී ක්‍රිකට් තරඟාවලියකින් සැමරුම් අවසන් විය.