2026 වසරේ ගුවන් හමුදා රණවිරු අනුස්මරණ උත්සවයට සමගාමීව වාර්ෂික සර්ව රාත්‍රී පරිත්‍රාණ සජ්ඣායනා උත්සවය 2026 ජුනි 11 වන දින ඒකල ගුවන් හමුදා වෘත්තීය පුහුණු පාසලේදී පැවැත්විය.

මෙම උතුම් පිංකම් උත්සවය සුභසාධන අධ්‍යක්ෂ ජෙනරාල් එයාර් වයිස් මාර්ෂල් රජින්ත් ජයවර්ධන නිලධාරිතුමන්ගේ අධීක්ෂණය යටතේ සංවිධානය කරන ලදී.  ඒකල ගුවන් හමුදා වෘත්තීය පුහුණු පාසලේ අණදෙන නිලධාරී එයාර් කොමඩෝර් කෝලිත අබේසිංහ නිලධාරිතුමන්ගේ සම්බන්ධීකරණයෙන් සිදු කරන ලද අතර මියගිය රණවිරුවන්ට මෙන්ම ආබාධිත රණවිරුවන්ට, ඔවුන්ගේ පවුලේ සාමාජිකයින්ට, ගුවන් හමුදා සේවයේ නියුතු කාර්ය මණ්ඩලයට සහ සමස්ත ජාතියටම මෙම අභියෝගාත්මක කාලවලදී ඉදිරියට යාමට ශක්තිය හා ධෛර්යය ලබා දෙන ලෙස ආශිර්වාද කරන ලදී.

උත්සවය ආරම්භ කිරීමට පෙර  ‘කරඬුව’ වෘත්තීය පුහුණු පාසලේ ගුවන් භට භෝජනාගාරයට වර්ණවත් පෙරහැරකින් ගෙන එන ලද අතර ගුවන් හමුදාපති එයාර් මාර්ෂල් බන්දු එදිරිසිංහ මහතා විසින් ‘පිරිත් මණ්ඩපයේ’ තැන්පත් කරන ලදී.

පිරිත් සජ්ඣායනා කිරීමේ උත්සවයට ගුවන් හමුදා සේවා වනිතා ඒකකයේ සභාපතිනි, නියෝජ්‍ය මාණ්ඩලික ප්‍රධානී ක්‍රිෂාන්ති එදිරිසිංහ මහත්මිය, ගුවන් හමුදා කළමනාකරණ මණ්ඩලයේ සාමාජිකයින් සහ ඔවුන්ගේ ආදරණීය භාර්යාවන්, ගුවන් හමුදා වෘත්තීය පුහුණු පාසලේ ඒකල අණදෙන නිලධාරි, අණදෙන නිලධාරී, කඳවුරු අණදෙන නිලධාරීන්, අනෙකුත් සියලුම නිලධාරීන්, වෘත්තීය පුහුණු පාසලේ අනෙකුත් නිලයන් සහ විශේෂයෙන් මියගිය රණවිරුවන්ගේ ආදරණීය පවුලේ සාමාජිකයින් සහභාගී විය.

පසු දින 2026 ජුනි 12 උදෑසන පූජ්‍ය මහා සංඝරත්නය විෂයෙහි දානමය පුණ්‍යකර්මයක් සිදු කරන ලදී. එම අවස්ථාවට ගුවන් හමුදාපතිතුමන්, ගුවන් හමුදා සේවා වනිතා ඒකකයේ සභාපතිනි, නියෝජ්‍ය මාණ්ඩලික ප්‍රධානී, ගුවන් හමුදා කළමනාකරණ මණ්ඩලයේ සාමාජිකයින්, ගුවන් හමුදා වෘත්තීය පුහුණු පාසලේ අණදෙන නිලධාරී ඒකල, ජ්‍යෙෂ්ඨ නිලධාරීන්, පාසලේ අනෙකුත් සියලුම නිලධාරීන් සහ අනෙකුත් නිලයන් සහ වඩාත්ම වැදගත් ලෙස රණවිරුවන්ගේ ආදරණීය පවුලේ සාමාජිකයින් සහභාගී විය.