2026 අන්තර් ඒකක කබඩි ශූරතාවලිය 2026 ජුනි 22 සිට 24 දක්වා කටුනායක ගුවන් හමුදා කඳවුරේ ගෘහස්ථ ව්‍යායාම ශාලාවේදී සාර්ථකව පැවැත්විය. සම්මාන ප්‍රදානෝත්සවය 2026 ජුනි 24 වන දින කටුනායක ගුවන් හමුදා කඳවුරේ අණදෙන නිලධාරී එයාර් වයිස් මාර්ෂල් අමිත ජයමහ නිලධාරිතුමන්ගේ ප්‍රධානත්වයෙන් පැවැත්විය.

තරඟාවලිය පුරාම සුවිශේෂී කුසලතා සහ කණ්ඩායම් ක්‍රියාකාරිත්වය පෙන්නුම් කරමින්, බණ්ඩාරනායක ජාත්‍යන්තර ගුවන්තොටුපළ ගුවන් හමුදා කඳවුර පිරිමි ශූරතා දිනා ගත් අතර ඒකල ගුවන් හමුදා වෘත්තීය පුහුණු පාසල කාන්තා ශූරතා ශූරතාව දිනා ගන්නා ලදී.

පිරිමි අංශයේ අනුශූරතාව චීන වරාය ගුවන් හමුදා විද්‍යාපීඨය දිනා ගත් අතර කාන්තා අංශයේ අනුශූරතාව දියතලාව ගුවන් හමුදා සටන් පුහුණු පාසල දිනා ගන්නා ලදී.

මෙම උත්සවය සඳහා ගුවන් හමුදා කබඩි සභාපති එයාර් කොමඩෝර් උදිත පියසේන, ගුවන් හමුදා කබඩි ලේකම් ගෲප් කැප්ටන් නිරෝෂන් කිරිවැල්ල, ගුවන් හමුදා ක්‍රීඩා කවුන්සිලයේ සාමාජිකයින්, ජ්‍යෙෂ්ඨ නිලධාරීන් සහ අනෙකුත් සම්භාවනීය ආරාධිතයින් සහභාගී විය.