ඉංග්‍රීසි සහ සිංහල මාධ්‍යයෙන් පවත්වන ලද අංක 01 අධිකාරී නොලත් නිලධාරීන්ගේ කළමනාකරණ පාඨමාලාවේ (NCOMC I) සහතික ප්‍රදානෝත්සවය 2026 අගෝස්තු 28 වනදින  ශ්‍රී ලංකා ගුවන් හමුදා චීන වරාය  විද්‍යාපීඨයේදී පැවැත්විය. ඉදිකිරීම් ඉංජිනේරු අධ්‍යක්ෂ ජෙනරාල් එයාර් වයිස් මාර්ෂල් ක්‍රිෂාන්ත හේවාපතිරණ නිලධාරිතුමන්ගේ ප්‍රධානත්වයෙන් මෙම අවස්ථාවට ප්‍රධාන ආරාධිත අමුත්තා ලෙස සහභාගී විය. චීන වරාය  ගුවන් හමුදා විද්‍යාපීඨයේදී නියෝජ්‍ය සේනාවිධායක ගෲප් කැප්ටන් අසංක රත්නායක සහ අධිකාරි නොලත් නිලධාරීන්ගේ කළමනාකරණ පාසලේ අණදෙන නිලධාරී වින්ග් කමාන්ඩර් අඛිල ද අල්විස් නිලධාරිතුමන්ගේ අධීක්ෂණය යටතේ මෙම උත්සවය පැවැත්විය.

සති 14 ක පාඨමාලාවක් නිර්මාණය කර ඇත්තේ ත්‍රිවිධ හමුදාවන්හි අධිකාරී නොලත් නිලධාරීන්ගේ අධ්‍යයන දැනුම, කළමනාකරණ නිපුණතා සහ නායකත්ව හැකියාවන් වැඩිදියුණු කිරීමෙන් ඔවුන්ගේ සංවිධාන තුළ වැඩි වගකීම් ඉටු කිරීමට ඔවුන් සූදානම් කිරීම සඳහා ය. රජරට විශ්ව විද්‍යාලයට අනුබද්ධිත මෙම පාඨමාලාව, අධ්‍යයන අවශ්‍යතා සාර්ථකව නිම කිරීමෙන් පසු සුදුසුකම් ලත් අධිකාරී නොලත් නිලධාරීන්ට කළමනාකරණ ඩිප්ලෝමාව ප්‍රදානය කිරීමෙන් අවසන් විය.

අංක 01 NCOMC I ඉංග්‍රීසි සහ සිංහල මාධ්‍ය පාඨමාලා, ශ්‍රී ලංකා හමුදාවේ ජ්‍යෙෂ්ඨ අධිකාරී නොලත් නිලධාරියෙකු සහ ශ්‍රී ලංකා නාවික හමුදාවේ ජ්‍යෙෂ්ඨ අධිකාරී නොලත් නිලධාරීන් දෙදෙනෙකු ඇතුළුව ජ්‍යෙෂ්ඨ අධිකාරී නොලත් නිලධාරීන් 76 දෙනෙකුගෙන් සහ ශ්‍රී ලංකා හමුදාවේ කනිෂ්ඨ අධිකාරී නොලත් නිලධාරියෙකු ඇතුළුව කනිෂ්ඨ අධිකාරී නොලත් නිලධාරීන් 41 දෙනෙකුගෙන් සමන්විත විය. උත්සවයේදී ඔවුන්ගේ වෘත්තීය සංවර්ධනය සහ නායකත්ව ගමනේ වැදගත් සන්ධිස්ථානයක් සනිටුහන් කරමින්, අදාළ පාඨමාලා සාර්ථකව නිම කිරීම අගයමින් සමස්ත අධිකාරී නොලත් නිලධාරීන් 117 දෙනෙකුට සහතික ප්‍රදානය කරන ලදී. එය ඔවුන්ගේ වෘත්තීය සංවර්ධනය සහ නායකත්ව ගමනේ වැදගත් සන්ධිස්ථානයක් සනිටුහන් කරන ලදී.

අංක 01 NCOMC I ඉංග්‍රීසි මාධ්‍ය අධිකාරී නොලත් නිලධාරී පාඨමාලාවේ සම්මානලාභීන්

සෑම අතින්ම දක්ෂතම ජේෂ්ඨ  අධිකාරී නොලත් නිලධාරී (SNCO)

සැරයන් ගමගේ ඩී.ඒම් - ගුවන් එන්ජින් සවිකරන්නා විශේෂ (Aero Engine Fitter Special)

සෑම අතින්ම දක්ෂතම කණිෂ්ඨ  අධිකාරී නොලත් නිලධාරී(JNCO)
කෝප්‍රල් පීරිස් එච්.එම්.ඩබ්ලිව්.එම් - (දන්ත චිකිත්සක)

කළමනාකරණයේ හොඳම ශිෂ්‍යයා
කෝප්‍රල් පීරිස් එච්.එම්.ඩබ්ලිව්.එම් - (දන්ත චිකිත්සක)

හොඳම මහජන කථිකයා - ජේෂ්ඨ  අධිකාරී නොලත් නිලධාරී (SNCO)
බලපංති  සැරයන් බණ්ඩාර ආර්.ඒ.ඒ.එස් -(ගුවන් විදුලි සවිකරන්නා සහ උපකරණ සවිකරන්නා (විශේෂ) (Aero Electrical Fitter & Instrument Fitter (Special)

හොඳම මහජන කථිකයා - කණිෂ්ඨ  අධිකාරී නොලත් නිලධාරී (JNCO)
කෝප්‍රල් පීරිස් එච්.එම්.ඩබ්ලිව්.එම් - (දන්ත චිකිත්සක)

අංක 01 NCOMC I සිංහල මාධ්‍ය අධිකාරි නොලත් නිලධාරී පාඨමාලාවේ සම්මානලාභීන්

සෑම අතින්ම දක්ෂතම කණිෂ්ඨ  අධිකාරී නොලත් නිලධාරී (SNCO)
බලඇණි ප්‍රධානියා සුළු නිලධාරී ඒ.ඒ.ජී.එම් අමරසිංහ (ශ්‍රී ලංකා නාවික හමුදාව)

සෑම අතින්ම දක්ෂතම කණිෂ්ඨ  අධිකාරී නොලත් නිලධාරී (JNCO)
කෝප්‍රල් සේනාරත්න කේ.ඩී.ඒ.එම් (අවි සවි කරන්නා (විශේෂ))

කළමනාකරණය පිළිබඳ හොඳම ශිෂ්‍යයා
සැරයන් ප්‍රියංකර කුමාර ඩබ්ලිව්.එච්.එස් - (යාන්ත්‍රික කාර්මික විශේෂඥ (I))

හොඳම මහජන කථිකයා - ජේෂ්ඨ  අධිකාරී නොලත් නිලධාරී (SNCO)
සැරයන් රාජපක්ෂ ජී.එල්.ආර්.සී - (මෙහෙයුම් බිම් විශේෂ)

හොඳම මහජන කථිකයා - කණිෂ්ඨ  අධිකාරී නොලත් නිලධාරී (JNCO)
කෝප්‍රල් බුවෂාර ඒ.ජී - (මෙහෙයුම් බිම් (I))

වෙනත් කුසලාන

හොඳම ශාරීරික  යෝග්‍යතාවය - ජේෂ්ඨ  අධිකාරී නොලත් නිලධාරී (SNCO)
සැරයන් ප්‍රසන්න කුමාර පී.ජී. එම් - (මෙහෙයුම් බිම් විශේෂ)

හොඳම ශාරීරික යෝග්‍යතාවය - කණිෂ්ඨ  අධිකාරී නොලත් නිලධාරී (JNCO)
කෝප්‍රල් පත්මසිරි පී.ඒ.පී.ආර්  - (මෙහෙයුම් බිම් (I))