ශ්‍රී ලංකා ගුවන් හමුදා මොරවැව කඳවුරේ පිහිටි රෙජිමේන්තු විශේෂ බලකා පුහුණු පාසල (RSFTS) විසින් පුද්ගලයින් 29 දෙනෙකුගේ සහභාගීත්වයෙන් අංක 11 හෙලිබෝර්න් මෙහෙයුම් පාඨමාලාව සාර්ථකව පවත්වන ලදී. ඔවුන් අතර බංග්ලාදේශ ගුවන් හමුදාවේ සහ යුධ හමුදාවේ නිලධාරීන් දෙදෙනෙකු, ශ්‍රී ලංකා නාවික හමුදාවේ එක් නිලධාරියෙකු සහ විශේෂ කාර්ය බලකායේ (STF) එක් නිලධාරියෙකු ඇතුළත් විය. ඉතිරි සහභාගිවන්නන් ශ්‍රී ලංකා යුධ හමුදාව, ශ්‍රී ලංකා නාවික හමුදාව, පොලිස් විශේෂ කාර්ය බලකායේ සහ ගුවන් හමුදා රෙජිමේන්තු විශේෂ බලකාය නියෝජනය කළහ.

පාඨමාලාව අතරතුර, සහභාගිවන්නන් හෙලිබෝර්න් මෙහෙයුම් සැලසුම් කිරීම, වනාන්තර සංචලනය සහ හෙලිකොප්ටර් හදිසි ක්‍රියා පටිපාටි ඇතුළුව හෙලිකොප්ටර්වල ආරක්ෂාව සහ පියාසැරි මෙහෙයුම් පිළිබඳ පුළුල් පුහුණුවක් ලබා ගත්හ ප්‍රායෝගික අභ්‍යාස හරහා මෙහෙයුම් පරික්ෂණ සහ සම්බන්ධතා සඳහා අවශ්‍ය ක්‍රමවේදයන් සකස්කිරීම, CASEVAC මෙහෙයුම් සහ සීමිත හෝ සූදානම් නොකළ ප්‍රදේශවලට ගොඩබෑම පිළිබඳව ඔවුන් පුහුණු කරන ලදී. 

ඊට අමතරව, සහභාගිවන්නන් සෙවීම් සහ ගලවා ගැනීම, අහිතකර කාලගුණික තත්ත්වයන් සහ ගතික මෙහෙයුම් අවස්ථා ඇතුළු අභියෝගාත්මක පරිසරයන්ට අනුවර්තනය වීමට මෙම පාඨමාලාව ඔවුන්ව තවදුරටත් සූදානම් කළේය.

මෙම පුහුණු වැඩසටහන රෙජිමේන්තු විශේෂ බලකායේ අණදෙන නිලධාරී වින්ග් කමාන්ඩර් ආර් බැස්ටියන් නිළධාරීතුමන්ගේ අධීක්ෂණය යටතේ පවත්වන ලද අතර, ගොඩබිම් මෙහෙයුම් අධ්‍යක්ෂ ජෙනරාල් එයාර් වයිස් මාර්ෂල් එච්ඩබ්ලිව්ආර් චන්දිම සහ පුහුණු අධ්‍යක්ෂ ජෙනරාල් එයාර් වයිස් මාර්ෂල් එන්එච්ඩීඑන් ඩයස් නිළධාරීතුමන් දෙපලගේ මඟ පෙන්වීම සහ සෘජු අධීක්ෂණය යටතේ පවත්වන ලදී.