ගුවන් හමුදාපතිතුමාගේ උපදෙස් පරිදි ආපදා සහන සහ ප්‍රතිචාර කණ්ඩායම (DART) රෙජිමේන්තු විශේෂ බලකායේ නිලධාරීන් සහ දියතලාව ගුවන් හමුදා සටන් පුහුණු පාසලේ නිලධාරීන් පස් දෙනෙකු සමඟ එක්ව 2025 සැප්තැම්බර් 04 වන දින ඇල්ල-වැල්ලවාය මාර්ගයේ ගලවා ගැනීමේ මෙහෙයුමක ක්‍රියාකාරීව නිරත විය. මෙම සිද්ධියේදී බස් රථයක් අඩි දහසකට ආසන්න ප්‍රපාතයකට පෙරළී යාම හේතුවෙන් ගලවා ගැනීමේ කටයුතු අතිශයින් අභියෝගාත්මක විය. ශ්‍රී ලංකා යුධ හමුදාව, පොලිසිය සහ දේශීය ස්වේච්ඡා සේවකයින් සමඟ සම්බන්ධවෙමින් මෙහෙයුම සිදු කරන ලදී.

දියතලාව ගුවන් හමුදා සටන් පුහුණු පාසලේ අණදෙන නිලධාරී එයාර් කොමඩෝර් රුක්මන් දසනායක සහ අංක 30 රෙජිමේන්තු පක්ෂාංගයේ අණදෙන නිලධාරී වින්ග් කමාන්ඩර් එම්එම්පීඑම් මාරසිංහ යන නිලධාරිවරුන්ද ගලවා ගැනීමේ මෙහෙයුමට සහභාගී විය. තුවාල ලැබූ සියලු දෙනා ආරක්ෂිතව ඉවත් කර බදුල්ල රෝහලට මාරු කර යවන ලදී.