2026 ජනවාරි 23 සිට 25 දක්වා නිට්ටඹුව වතුපිටිවල ගෘහස්ථ ක්‍රීඩා සංකීර්ණයේදී පැවති 2026 ජාතික ටයිකොන්ඩෝ ශූරතාවලියේදී ගුවන් හමුදා පිරිමි සහ කාන්තා ටයිකොන්ඩෝ කණ්ඩායම් ‘සමස්ත ශූරතා’ දිනා ගත්හ.

ශ්‍රී ලංකාවේ කොරියානු ජනරජයේ තානාපතිනි අතිගරු මියොන් ලී මහත්මිය ප්‍රධාන ආරාධිත අමුත්තා ලෙස සහභාගී වූ අතර, ශ්‍රී ලංකා ටයිකොන්ඩෝ සම්මේලනයේ සභාපති චමින්ද පුංචිහේවා මහතා සහ ලේකම් කේඒසීආර්එස් අලහකෝන් මහතා ද සහභාගී විය.

ඉසව් 16 කදී තරඟ කළ ගුවන් හමුදා ටයිකොන්ඩෝ කණ්ඩායම විශිෂ්ට දස්කම් දක්වමින් රන් පදක්කම් හතක් සහ ලෝකඩ පදක්කම් හතරක් දිනා ගනිමින් සමස්ත ශූරතාව දිනා ගත්හ.

ගුවන් හමුදා ටයිකොන්ඩෝ කණ්ඩායම 2011 දී එහි පළමු සභාපතිවරයා ලෙස එයාර් වයිස් මාර්ෂල් සාගර කොටකදෙණියගේ නායකත්වය යටතේ ආරම්භ කරන ලදී. වර්තමානයේ මෙම කණ්ඩායම ගුවන් හමුදා ටයිකොන්ඩෝ සභාපති එයාර් වයිස් මාර්ෂල් තුෂාර සිරිමාන්නගේ මඟ පෙන්වීම යටතේ ක්‍රියාත්මක වන අතර ගෲප් කැප්ටන් එම්ඩබ්ලිව්සීඑම් වාකිස්ට ගුවන් හමුදා ටයිකොන්ඩෝ ලේකම් ලෙස සේවය කරයි.

ප්‍රතිඵල සාරාංශය

පිරිමි
රන් පදක්කම්ලාභීන්
කෝප්‍රල් ලියනගේ LCS
නායක ගුවන් භට රණසිංහ RASD
නායක ගුවන් භට මධුක HAA

ලෝකඩ පදක්කම්ලාභීන්
ගුවන් භට පෙරේරා JATD

කාන්තා
රන් පදක්කම්ලාභීන්
නායක ගුවන් භට වීරසිංහ WMPK
නායක ගුවන් භට රණතුංග RASP
නායක ගුවන් භට ධර්මකීර්ති BDIN
නායක ගුවන් භට ඈන්සොෆ්නා CV

ලෝකඩ පදක්කම්ලාභීන්

නායක ගුවන් භට අලුත්ගේ SM
නායක ගුවන් භට ඒකනායක EMRTD
නායක ගුවන් භට ෂයිනි  OKDGR