ගුවන් හමුදා සරඹ උපදේශකයන් හට සරඹ උපදේශක ක‍්‍රියාපටිපාටිය නැවත මතක් කර දීමේ පළමු පාඨමාලාව පසුගියදා කටුනායක ගුවන් හමුදා කඳවුරේ නිමාවට පත්වන ලදී. මෙම පාඨමාලාව ප‍්‍රථම වතාවට පවත්වනු ලැබූ අතර සරඹ උපදේශකයින් 15 කු පසුගිය දෙසැම්බර් මස 17 සිට 27 වන දින දක්වා පැවති මෙම පාඨමාලාවට සහභාගී වූහ.

අංක 43 වන වර්ණ පක්‍ෂාංගයේ සරඹ උපදේශකයින් මෙම පාඨමාලාවට සහභාගී වූ පුහුණුවන්නන් හට ඉගැන්වීම සඳහා තම උපරිම කැපවීම යොදවන ලදී. ඒ අනුව පුහුණු වූ සරඹ උපදේශකයින් මනා හැකියාවන්ගෙන් පිරිපුන් සරඹ උපදේශකයින් ලෙසට ගුවන් හමුදා සේවයට නැවත එක් වෙයි. මෙම පාඨමාලාව ගුවන් හමුදා මෙහෙයුම් අධ්‍යක්‍ෂක එයාර් වයිස් මාර්ෂල් ජී පී බුලත්සිංහල විසින් මග පෙන්වන ලදී. පාඨමාලාව අවසන් කිරීමේ උත්සවය පසුගිය දෙසැම්බර් මස 27 වන දින සිදු කරන ලදී.