මීගමුව පොදු වෙරළ උද්‍යානයේදී පැවති ආරක්ෂක සේවා බීච් වොලිබෝල් ශූරතාවලියේදී  පිරිමි අංශයේ ශූරතාවය අඛණ්ඩව හයවැනි වරටත් ගුවන් හමුදා පිරිමි කණ්ඩායම ජයග‍්‍රහණය කල අතර මෙවර තරග වාරයේදී ගුවන් හමුදා කාන්තා කණ්ඩායම කාන්තා අංශයේ අනුශූරයන් බවට පත්විය.මෙම තරගාවලිය ජනවාරි මස 27 වන දින සිට 30 වන දින දක්වා පැවැත්විණි.

අවසන් තරඟයේදී ගුවන් හමුදා පිරිමි කණ්ඩායම ශ්‍රී ලංකා යුද හමුදාව 2-0 ලෙස පරාජය කළ අතර ශ්‍රී ලංකා ගුවන් හමුදා කාන්තා කණ්ඩායම යුද හමුදා කාන්තා කණ්ඩායම හමුවේ  2-1 ලෙස පරාජයට පත්විය.

ප්‍රධාන ආරාධිත අමුත්තා ලෙස මෙම අවස්ථාවට ශ්‍රී ලංකා යුද හමුදා ක‍්‍රීඩා අධ්‍යක්ෂ බ්‍රිගේඩියර් ලාල් චන්ද්‍රසිරි මහතා සහභාගී වු අතර ගුවන් හමුදා වොලිබෝල් සංචිතයේ සභාපති එයාර් කොමර්ඩෝ ආර්එන් තිලකසිංහ මහතා සහ ත‍්‍රිවිධ හමුදා නිලධාරීන් ඇතුලු විශාල පිරිසක් සහභාගී වූහ.