ගුවන් කාර්ය මණ්ඩල සුදුසුකම් ලාංඡන ප්‍රදානය කිරීමේ උත්සවය අද (2022 ජූනි 10) දින ගුවන් හමුදා මූලස්ථානයේදී පවත්වන ලද අතර එහි ප්‍රධාන ආරාධිත අමුත්තා ලෙස ගුවන් හමුදාධිපති එයාර් මාර්ෂල් සුදර්ශන පතිරණ මහතා සහභාගී විය. ඒ අනුව අදාළ පුහුණු පාඨමාලා වලින් සුදුසුකම් ලැබූ පුද්ගලයන් සඳහා පියාසැරි ඉංජිනේරු, ලෝඩ් මාස්ටර්, එයාර් ගනර් සහ ගුවන් සුපරීක්‍ෂණ ලාංඡන පිරිනැමිණි.

ගුවන් යානා ඉංජිනේරු ලාංඡන ලබාගත් සම්මානලාභීන් ගුවන් හමුදා කටුනායක කඳවුරේ අංක 02 බලඝණයේ සහ අනුරාධපුර ගුවන් හමුදා කඳවුරේ අංක 06 බලඝණයේ පුහුණුව අවසන් කර ඇත. ගුවන් හමුදා හිඟුරක්ගොඩ කඳවුරේ MI 17 සහ බෙල් 212 හෙලිකොප්ටර් යානා පිළිබඳ අංක 14 මූලික ගුවන් තුවක්කුකරුවන්ගේ පුහුණු පාඨමාලාව සම්පූර්ණ කර ඇති අතර ගුවන් නිරීක්ෂණ ලාංඡන ලබාගත් ගුවන් භටයින් චීනවරාය ගුවන් හමුදා විද්‍යාපීඨයේ අංක 03 බලඝණයේ දී B-200 සහ Y- 12 ගුවන් යානා පිළිබඳ අදාළ පුහුණුව සම්පූර් ණ කර ඇත.

ගුවන් හමුදා නියෝජ්‍ය මාණ්ඩලික ප්‍රධානී එයාර් වයිස් මාෂල් දුෂ්‍යන්ත රත්නායක, භූමි මෙහෙයුම් අධ්‍යක්ෂ එයාර් වයිස් මාෂල් ජනක අමරසිංහ, ගුවන් යානා ඉංජිනේරු අධ්‍යක්ෂ එයාර් වයිස් මාෂල් ප්‍රසන්න රණසිංහ, සාමාන්‍ය ඉංජිනේරු අධ්‍යක්ෂ එයාර් වයිස් මාෂල් රංජිත් සේනානායක, ගුවන් විදුලි හා විදුලි සංදේශ ඉංජිනේරු අධ්‍යක්ෂ එයාර් වයිස් මාෂල් ප්‍රසන්න බාලසූරිය සහ සැපයුම් අධ්‍යක්ෂ එයාර් කොමඩොර් නිශාන්ත තිලකසිංහ යන මහත්වරු ද මෙම අවස්ථාවට සහභාගි වූහ.