ශ්‍රී ලංකා ගුවන් හමුදාව විසින් සර්ව ආගමික ගුණ සමරු උත්සවයක් අද දින (2022 ජූලි 25) ගුවන් හමුදා කටුනායක කඳවුරේදී ගුවන් හමුදාධිපති එයාර් මාර්ෂල් සුදර්ශන පතිරණ මහතාගේ ප්‍රධානත්වයෙන් පවත්වන ලදී. ශ්‍රී ලංකා ගුවන් හමුදාව වාර්ෂිකව මෙම දිවිපිදූ රණවිරුවන් සිහිපත් කිරීම සඳහා ආගමික උත්සව පවත්වයි. කෙසේ වෙතත්, මෙවර උත්සවය ඒකීය උත්සවයක් ලෙස පැවැත්වීමට සිදු විය.
 
ගුවන් හමුදා අධ්‍යක්ෂ මණ්ඩලයේ සාමාජිකයින්, කටුනායක ගුවන් හමුදා කඳවුරු අණදෙන නිළධාරී සහ අනෙකුත් නිළධාරීන් ඇතුලු සෙසු නිළයන්ගේ පිරිසකගේ සහභාගීත්වයෙන් මෙවර උත්සවය කටුනායක ගුවන් හමුදා කඳවුරේ පිහිටි ක්‍රීඩා පිටියේදී පැවැත්විණි. ජාතිය වෙනුවෙන් දිවි පිදූවන්ට ආශිර්වාද පතා සර්ව ආගමික පූජ්‍ය මහා සංඝරත්නය ප්‍රමුඛ පූජ්‍ය පක්ෂයට පුද පූජා පවත්වන ලදී.
 
මෙවර සර්ව ආගමික උත්සවය ශ්‍රී ලංකා ගුවන් හමුදා කටුනායක කඳවුරේ සහයෝගය ඇතිව සුභසාධන අධ්‍යක්ෂ මණ්ඩලය විසින් සංවිධානය කරන ලදී.