මාධ්‍ය අධ්‍යක්ෂක මණ්ඩලය විසින් 2022 අගෝස්තු 18 දින මහරගම අපේක්ෂා රෝහලේදී රුධිර පරිත්‍යාග කිරීමේ වැඩසටහනක් පවත්වන ලදී.ගුවන් හමුදාධිපති එයාර් මාර්ෂල් සුදර්ශන පතිරණ මහතාගේ අනුදැනුම යටතේ මාධ්‍ය අධ්‍යක්ෂක ගෲප් කැප්ටන් දුෂාන් විජේසිංහ නිළධාරීතුමන්ගේ මගපෙන්වීමට අනුව මාධ්‍ය අධ්‍යක්ෂකයේ 14 වැනි සංවත්සරයට සමගාමීව මෙම වැඩසටහන සංවිධානය කරන ලදී.

ගුවන් හමුදාධිපති මාධ්‍ය ඒකකය 2008 මැයි 26 වැනි දින ආරම්භ කරන ලද අතර පසුව  එය මාධ්‍ය අධ්‍යක්ෂකය ලෙස ස්ථාපිත විය.රට තුළ ඇති වූ අර්බුධකාරී තත්වය හේතුවෙන් සංවත්සර සැමරුම පැවැත්වීමට නොහැකි වු අතර  සැමරුමට සමගාමීව අද දින මාධ්‍ය අධ්‍යක්ෂකයේ සියලු දෙනාගේ කැපවීම සහ පරිත්‍යාගශීලීභාවයෙන් ලේ දන්දීමේ වැඩසටහන සාර්ථකව අවසන් කරන ලදී.