අන්තර් ඒකක වොලිබෝල් සහ බීච් වොලිබෝල් ශූරතාවලිය 2022 අගෝස්තු 31 සිට සැප්තැම්බර් 08 දක්වා කටුනායක ගුවන් හමුදා කඳවුරේදී පැවැත්විණි. ගුවන් මෙහෙයුම් අධ්‍යක්ෂ එයාර් වයිස් මාර්ෂල් උදේනි රාජපක්ෂ මහතා අවසන් මහා තරගයේ සහ සම්මාන ප්‍රදානෝත්සවයේ ප්‍රධාන ආරාධිතයා ලෙස සහභාගි විය. ගුවන් හමුදා වොලිබෝල් සභාපති එයාර් කොමඩෝර් නිශාන්ත තිලකසිංහ, කටුනායක ගුවන් හමුදා කඳවුරු අණදෙන නිළධාරී එයාර් වයිස් මාර්ෂල් ලසිත සුමනවීර සහ ගුවන් හමුදා ක්‍රීඩා කවුන්සිලයේ සාමාජිකයින් අවසන් මහා තරඟය නැරඹීම සඳහා සහභාගී විය.

කාන්තා බීච් වොලිබෝල් සහ වොලිබෝල් ශූරතා දෙකම ගුවන් හමුදා ඒකල ගුවන් හමුදා වෘත්තීය පුහුණු පාසල දිනාගත් අතර එම දෙකෙහිම අනුශූරතාව ශ්‍රී ලංකා ගුවන් හමුදා රත්මලාන කඳවුරට හිමිවිය. ශ්‍රී ලංකා ගුවන් හමුදා කටුනායක කඳවුරේ තාක්ෂණික පක්ෂාංග පිරිමි කණ්ඩායම විසින් පිරිමි වොලිබෝල් ශූරතාව දිනාගත් අතර ගුවන් හමුදා වෘත්තීය පුහුණු පාසල අනුශූරතාව හිමිකර ගත්තේය. මොරවැව ගුවන් හමුදා කඳවුර පිරිමි වෙරළ වොලිබෝල් ශූරතාව දිනාගත් අතර අනුශූරතාව අම්පාර ගුවන් හමුදා කඳවුරට හිමිවිය.